Խորհրդարանն այսօր առաջին և երկրորդ ընթերցմամբ քննարկել է մի շարք օրինագծեր: Հարկային օրենսգրքի նախագիծը օրենսդիրը կքննարկի հունիսին՝ արտահերթ նիստում, հայտարարել է Տնտեսական հարցերի մշտական հանձնաժողովի նախագահը: Բաբկեն Թունյանը հիշեցրել է, որ հանձնաժողովը հավանության է արժանացրել Հարկային օրենսգրքի փոփոխությունների փաթեթը, որը ներկայացրել էր կառավարությունը։ Այնուհետև խորհրդարանը քննարկել է հանրային ծառայությունները կարգավորող հանձնաժողովի անդամների ընտրության հարցը: Վարչապետը ներկայացրել է չորս թեկնածուի: