ԲՀԿ խմբակցության պատգամավոր Միքայել Մելքումյանը վերջակետ է դրել մամուլում տարածված կեղծ լուրերին, թե իբր Գագիկ Ծառուկյանը գործարանը ձեռք է բերել 200 հազար դոլարով: Պատգամավորը ներկայացրել է գործարանի ձեռքբերման մասին կառավարության որոշումը, որտեղ հստակ նշված է, թե ինչ հսկայական ծախսեր են արվել «Արարատցեմենտը» ձեռք բերելու համար և թե ինչու այն տարիներին անմխիթար վիճակում գտնվող գործարանը շվեյցարացիները չեն գնել: Պատգամավորը միաժամանակ նաև շեշտել է, որ «Արարատցեմենտ»-ի ձեռքբերումը մեծ նպաստ է ունեցել երկրի երկնիշ տնտեսական աճի գործում, փակել միլիոնավոր դոլարների հասնող պարտքեր: