«Սասնա Ծռեր»-ի գործով դատական նիստի ընթացքում պաշտպանական կողմը միջնորդել է վերսկսել դատաքննությունը և գործով որպես վկա ներգրավել Նիկոլ Փաշինյանին: Փաստաբանները պնդում են, որ վարչապետը գործին առնչվող տեղեկատվության կրող է և կարող է հստակեցնել որոշ էական հանգամանքներ: Պավել Մանուկյանի պաշտպան Զարուհի Փոստանջյանը չի բացառել, որ Փաշինյանը հետագայում կարող է ստանալ նաև մեղադրյալի կարգավիճակ: Դատարանը միջնորդությունը մերժել է: