Տարեսկզբից մինչև այսօր բանակում 10-ից ավելի զինծառայող է մահացել է՝ ընդ որում ոչ հակառակորդի կրակոցից: Հասարակական կազմակերպություններին և ընդհանրապես հանրությանը մտահոգում է՝ ի՞նչ է արվում նման դեպքերը կանխելու համար: Նաիրա Զոհրաբյանը հայտնել է, որ բանակում գրանցվող վերջին ողբերգական դեպքերի կապակցությամբ իր ղեկավարած ԱԺ Մարդու իրավունքների պաշտպանության և հանրային հարցերի, նաև պաշտպանության և անվտանգության հարցերի մշտական հանձնաժողովները փետրվարի 18-ին՝ ժամը 11։00-ին, անցկացնելու են համատեղ աշխատանքային փակ քննարկում ԶՈՒ Գլխավոր շտաբի պետ Արտակ Դավթյանի մասնակցությամբ: Մինչև այդ, տարբեր ՀԿ-ների ներկայացուցիչներ ու խնդրով մտահոգ քաղաքացիներ բաց երկնքի տակ քննարկում են անցկացրել, որոշել բանակում խաղաղ պայմաններում գրանցվող մահվան դեպքերը կանխելու վերաբերյալ հետագա քայլերը:
Երեկ և այսօր Մյունխենի անվտանգության համաժողովի շրջանակում Նիկոլ Փաշինյանը երկկողմ հանդիպումներ է ունեցել տարբեր երկրների նախագահների ու կառավարությունների ղեկավարների հետ: Վարչապետը հանդիպել է ԵԽ գլխավոր քարտուղարի, ԵՄ բյուջեի և կառավարման հանձնակատարի հետ: Նիկոլ Փաշինյանը քննարկումներ է ունեցել նաև Բուլղարիայի վարչապետի, Լատվիայի և Հյուսիսային Մակեդոնիայի նախագահների հետ: Մյունխենում գտնվող ԱԳ նախարար Զոհրաբ Մնացականյանն էլ Եվրոպայում անվտանգության և համագործակցության կազմակերպության գլխավոր քարտուղար Թոմաս Գրեմինգերի հետ քննարկել է Լեռնային Ղարաբաղի հարցը:
Այս շաբաթ ԱԺ-ն երկրորդ ընթերցմամբ ընդունեց հակածխախոտային մեծ աղմուկ հանած նախագիծը: Համաձայն առողջապահության նախարարության առաջարկած փոփոխությունների՝ արգելվում է ծխախոտի և դրա փոխարինիչների օգտագործումը հանրային վայրերում: Օրենքի որոշ դրույթներ, սակայն, առայժմ ուժի մեջ չեն մտնի. հանրային սննդի օբյեկտներում, օրինակ, ծխելը կարգելվի միայն 2022 թվականից: Ինչպե՞ս են հակածխախոտային օրենքին վերաբերվում ռեստորանների, սրճարանների տերերն ու քաղաքացիները.մանրամասները` տեսանյութում:
Ձյունառատ շաբաթից հետո հանրապետությունում հանգստյան օրերը կանցնեն առանց տեղումների: Հայաստանի տարածքում փակ ճանապարհներ գրեթե չկան, դժվարանցանելի են մնում Սոթք-Քարվաճառ ճանապարհահատվածն ու Գորիսի «Զանգեր» կոչվող հատվածը: Արտակարգ իրավիճակների նախարարությունը հենց այս հատվածում մի քանի օր առաջ ձնաբքի պատճառով խոշոր արգելափակման դեպք էր գրանցել: Եկող շաբաթը կսկսվի թեթև ձյունով:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv