«Ռեստարտ» ուսանողական նախաձեռնությունը պահանջում է Երևանի Պետական համալսարանի ուսանողական խորհրդի հրաժարականը: Նախաձեռնության երիտասարդները պնդում են՝ ուսխորհրդի գործունեությունն օրինական չէ, բյուջեն ծախսվել է ոչ նպատակային: Բուհի ուսանաղական խորհուրդն էլ, ի պատասխան, պնդում է՝ խախտումներ չկան, եղած չնչին թերացումներն էլ խորհրդի երիտասարդ կազմի բացթողումն են: Կողմերը հանդիպել են, բայց հայտարարի չեն եկել:
Հայաստանի վարչապետի պաշտոնակատար Նիկոլ Փաշինյանն Աստանայում մասնակցել է ՀԱՊԿ Հավաքական անվտանգության խորհրդի նիստին, որին մասնակցել են նաև կազմակերպության անդամ երկրների՝ Բելառուսի, Ղազախստանի, Ղրղզստանի, Ռուսաստանի և Տաջիկստանի ղեկավարները: Նախ տեղի է ունեցել առաջնորդների նեղ, ապա ընդլայնված կազմով նիստը: Հանդիպման ընթացքում քննարկվել է ՀԱՊԿ գլխավոր քարտուղարի նշանակման հարցը: Կողմերը պայմանավորվել են քննարկումները շարունակել դեկտեմբերի 6-ին` Սանկտ Պետերբուրգում կայանալիք հանդիպմանը:
«Ադրբեջանական հասարակությունում այնքան արմատացած են հակահայկական տրամադրությունները, որ եթե նույնիսկ հակամարտությունը կարգավորվի, մեկ-երկու սերունդ անցնելու կարիք կլինի, մինչև այնտեղ ընդունեն հայերին»,- այսպիսի կարծիք է հայտնել ադրբեջանագետ Անժելա Էլիբեգովան՝ անդրադառնալով երկու ազգերի միջև շփման հնարավորություններին: Նրա խոսքով՝ հայերի մոտ այդպիսի տրամադրությունները քիչ են: Չնայած նրան, որ օրեր առաջ հայ և ադրբեջանցի երիտասարդների՝ համացանցում տարածված նկարն արժանացավ հանրային բացասական վերաբերմունքի, այդուհանդերձ, մեզանում փոխադարձ շփման համար նախադրյալներ կան, իսկ Ադրբեջանի դեպքում դրան սպասել է պետք:
Կարող ենք արդյո՞ք հրաժարվել գազի սպասարկման վարձից և իջեցնել կապույտ վառելիքի սակագինը: Ազգային ժողովի Քննիչ հանձնաժողովում քննարկվել են գազի գնագոյացման, որակի, կորուստների և «Գազպրոմ Արմենիա» ընկերության գործունեությանը վերաբերող հարցեր: Մասնավորապես, հանձնաժողովի նախագահ Միքայել Մելքումյանը «Գազպրոմ Արմենիա» ընկերության գլխավոր տնօրեն Հրանտ Թադևոսյանից հետաքրքրվել է՝ արդյոք կա ռեզերվ, ինչի արդյունքում կարող է իրականացվել այնպիսի օպտիմալացում, որը կհանգեցնի միջին սակագնի նվազեցմանը: Նիստում քննարկված կարևոր հարցերը ներկայացնում է Իզաբելլա Հովհաննսիյանը:
«Որոտան-Խնձորեսկ ավտոճանապարհին տեղի ունեցած ողբերգական վթարի պատճառների շարքում տեղ են գտել տեխնիկական մի շարք կոպիտ բացթողումներ»,-մեկնաբանելով 4 զինվորի մահվան պատճառ դարձած պատահարը՝ ասել է ՊՆ պաշտոնակատար Դավիթ Տոնոյանը: «Մեղավորները պատասխանատվություն կկրեն օրենքի ամբողջ խստությամբ»,-վստահեցրել է նա: Պաշտպանության փոխնախարարի պաշտոնակատար Գաբրիել Բալայանն էլ լրագրողներին հայտնել է, որ քննարկվող վարկածներից մեկը բեռնատարի արգելակների խափանումն է: «Զինվորական բեռնատարի վթարի հետևանքով տուժած զինծառայողների վիճակը բավարար է, նրանցից որևէ մեկի կյանքին վտանգ չի սպառնում»,- Էպիկենտրոնին հայտնել է Զանգեզուրի կայազորի զինվորական հոսպիտալի պետ Կարեն Գրիգորյանը:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv