Items filtered by date: Երեքշաբթի, 01 Սեպտեմբերի 2020
Երեքշաբթի, 01 Սեպտեմբերի 2020 22:15

Էպիկենտրոն 01.09.2020

 

 

Published in Էպիկենտրոն

Արմավիրի մարզում և Երևանում գրանցված ալկոհոլային թունավորման դեպքերից մահացածների թիվը հասել է 12-ի: «Էպիկենտրոն»-ին ասել է առողջապահության նախարարի մամուլի խոսնակ Ալինա Նիկողոսյանը: Օգոստոսի 31-ից սեպտեմբերի 1-ն ընկած ժամանակահատվածում հանրապետությունում գրանցվել է ալկոհոլային թունավորման ընդհանուր 23 դեպք: Տուժածները բուժվում են հանրապետության տարբեր հիվանդանոցներում, 2 հոգի ծայրահեղ ծանր վիճակում է: Բազմաթիվ մարդկանց կյանքեր խլած թունավորման պատճառը Արմավիրի 50-ամյա բնակիչ Աշոտ Հովսեփյանի պատրաստած անհայտ ծագման օղին է: Քաղաքացին ձերբակալված է, նրա տանը հայտնաբերվել է մոտ 200 լիտր «ինքնաշեն» օղի:

Երեքշաբթի, 01 Սեպտեմբերի 2020 20:15

Անցուդարձ 01.09.2020

Published in Անցուդարձ

Արցախում գիտելիքի և դպրության օրը տոնական տրամադրությամբ են նշել: Չնայած համավարակին՝ որոշում է կայացվել առաջին դասարանցիներին ու առաջին կուրսեցիներին չզրկել օրվա տոնական գույները ըմբոշխնելու հնարավորությունից: Դպրոցների բակերում իրականացվող տոնակատարություններին ծնողները հետևել են ցանկապատերի հակառակ կողմից: Արցախում ավելի քան 2400 առաջին դասարանցի սեպտեմբերի մեկը նշել է գունավոր տրամադրությամբ:

«Տարածաշրջանային զարգացումները, մեր հնարավորությունները, պատկերացումները մեր երկրի պաշտպանության հետ կապված փոխվել են»,- ասել է փոխնախարար Գաբրիել Բալայանը: Աշխարհազորում ընդգրկվելը լինելու է կամավոր, կարող են ներգրավվել նաև կանայք: Խաղաղ պայմաններում կամավորների համար որևէ վճար չի նախատեսվում, իսկ զորակոչվելիս արդեն նրանք զինծառայողի կարգավիճակ են ձեռք բերելու: Աշխարհազորում ներգրավված քաղաքացիներին ազատ շրջանառության զենք չի տրվելու:

Ծաղիկներով և փուչիկներով դպրոց շտապող աշակերտներ, հուզված առաջին դասարանցիներ և ոչ պակաս հուզված ծնողներ դպրոցներում այսօր չեն եղել: «Էպիկենտրոն»-ը շրջել է դատարկ դպրոցներով, զրուցել աշակերտների, նաև առաջին անգամ դպրոց գնալ պատրաստվող երեխաների և նրանց ծնողների հետ: Ինչպե՞ս է անցել սեպտեմբերի 1-ն, ու ի՞նչ մտահոգություններ կան առկա ուսուցման վերաբերյալ՝ տեսանյութում:

Սեպտեմբերի 1-ը գիտելիքի և դպրության օրն է: Համավարակով պայմանավորված դպրոցականների համար այս տարի ուսումնական տարին կմեկնարկի սեպտեմբերի 14-ից: Իսկ այսօր դասի են հաճախել ԲՈՒՀ-երի միայն առաջին կուրսեցիները: «Էպիկենտրոն»-ի նկարահանող խումբը եղել է Մայր բուհում և Բժշկական համալսարանում, հետևել, թե ինչպես է մեկնարկել ուսումնական պրոցեսը համավարակի պայմաններում:

Արմավիրի մարզում և Երևանում գրանցված ալկոհոլային թունավորման դեպքերից մահացել է 10 մարդ: Տուժածները բուժվում են հանրապետության տարբեր հիվանդանոցներում, 3 հոգի ծայրահեղ ծանր վիճակում է: Իրավապահները պարզել են, որ բազմաթիվ մարդկանց կյանքեր խլած թունավորման պատճառը Արմավիրի 50-ամյա բնակիչ Աշոտ Հովսեփյանի պատրաստած անհայտ ծագման օղին է: Քաղաքացին ձերբակալված է, նրա տանը հայտնաբերվել է մոտ 200 լիտր «ինքնաշեն» օղի: Բոլոր այն քաղաքացիներին,որոնք վերոնշյալ անձից ալկոհոլային խմիչք են գնել, Քննչական կոմիտեն հորդորում է չօգտագործել այն և դիմել կոմիտեի Արմավիրի մարզային քննչական վարչություն:

Եվս մեկ դժբախտ պատահար Արմավիրի մարզում: Ողբերգական հետևանքներով խոշոր պայթյուն է տեղի ունեցել Արմավիր գյուղում գտնվող «Պռոշյան կոնյակի գործարան»-ի մասնաճյուղում: Աշխատակիցներից 2-ը մահացել են, կան վիրավորներ, նրանցից 4-ը՝ 24, 32, 33 և 46 տարեկան տղամարդիկ, գտնվում են ծայրահեղ ծանր վիճակում: Վիրավորները նախնական բժշկական օգնությունը ստացել են Արմավիրի ԲԿ-ում, այնուհետև տեղափոխվել են Այրվածքաբանության ազգային կենտրոն: Պայթյունի մասին մանրամասներ են ներկայացրել գործարանի սեփականատերը և Արմավիրի մարզպետը:

Վերջին ամիսներին երկրաշարժեր են գրանցվել Երևանում ու Հայաստանի տարբեր մարզերում: ԱԻՆ սեյսմիկ պաշտպանության ծառայությունից հայտնում են, որ երկրաշարժերի հիմնական օջախները, բարեբախտաբար, Հայաստանում չեն: Մասնագետները բնակիչներին հորդորում են չանհանգստանալ, քանի որ գրանցված ուժգնությունները հետցնցումային են և բարձր չեն:

Էջ 1, 2-ից

Կոնտակտներ

Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)

Լրահավաք հեռախոս.
+374 10 39 10 39

Էլ.փոստ.
info@kentron.tv

Արխիվ

« September 2020 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Մենք Facebook-ում

© Kentron TV - Բոլոր իրավունքները պաշտպանված են։
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց www.kentron.tv հղման։