Ադրբեջանը վճռական բողոք կհայտնի Ֆրանսիային. պատճառը Բակո Սահակյանի այցն է Փարիզ: Այս շաբաթ Արցախի նախագահ Բակո Սահակյանի գլխավորած պատվիրակությունն աշխատանքային այցով Ֆրանսիայում էր: Նա մի շարք հանդիպումներ է ունեցել, այդ թվում՝ Ֆրանսիա-Արցախ բարեկամության շրջանակի մի խումբ անդամների հետ: Քննարկվել են Ֆրանսիա-Արցախ հարաբերություններին վերաբերող տարբեր հարցեր: Բակո Սահակյանի այցը մեծ աղմուկ է բարձրացրել հարևան Ադրբեջանում, պատրաստվում են բողոքի նոտա հղել Ֆրանսիային: Արտգործնախարարությունն արձագանքել է այցին, նշել, որ Ֆրանսիայի՝ երկակի չափանիշների վրա հիմնված մոտեցումը ստիպում է վերանայել այդ երկրի հետ կապերը:

Կենդանասերներն ու կենդանաբանական այգու աշխատակիցները դուրս են եկել բողոքի ցույցի: Նրանք պահանջում են այգու տնօրեն Ռուբեն Խաչատրյանի հրաժարականը: Ցուցարարները նրան մեղադրում են ամենաթողության, կենդանիների հանդեպ անմարդկային վերաբերմունքի, անհարկի կրճատումների ու փողերի լվացման մեջ: Կենդանասերները ստորագրություններով դիմում են ուղարկելու իշխանություններին՝ ներկայացնելով այգում տիրող բարձիթողի իրավիճակի մասին բազմաթիվ փաստեր: Երեւանի քաղաքապետարանից էլ հայտնել են՝ լայնածավալ ստուգումներ են իրականացնելու:

Այսօր Մոսկվա կինոթատրոնում կայացել է Գագիկ Ծառուկյանի անվան բոդիբիլդինգի Հայստանի գավաթի 7-րդ խաղարկությունը, որին մասնակցել են մարզաձևի ուժեղագույն ներկայացուցիչները՝ այդ թվում արտերկրից ժամանած մեր հայրենակիցները: Բոլոր անվանակարգերում մրցաշարի հաղթողներին ՀԱՕԿ նախագահը հատկացրել է դրամական խոշոր պարգևներ:

Այսօր Մոսկվա կինոթատրոնում կայացել է Գագիկ Ծառուկյանի անվան բոդիբիլդինգի Հայստանի գավաթի 7-րդ խաղարկությունը, որին մասնակցել են մարզաձևի ուժեղագույն ներկայացուցիչները՝ այդ թվում արտերկրից ժամանած մեր հայրենակիցները: Բոլոր անվանակարգերում մրցաշարի հաղթողներին ՀԱՕԿ նախագահը հատկացրել է դրամական խոշոր պարգևներ: