Դրամատիկ իրադարձություններ Սյունիքում. Նիկոլ Փաշինյանին դիմավորել են հայհոյանքներով և վիրավորական արտահայտություններով: Քաղաքացիները փակ են պահել մարզի տարբեր համայնքների ճանապարհները, ինչի պատճառով վարչապետը ստիպված է եղել չեղարկել այցը Քաջարան: Վարչապետին ամենուր ուղեկցել են ԱԱԾ և ոստիկանության աշխատակիցները: Բողոքի գործողությունների ժամանակ բախումներ են տեղի ունեցել իրավապահների և սյունեցիների միջև: Երևանից այնտեղ են մեկնել ԱԱԾ տնօրենն ու ոստիկանապետը: Փաշինյանը Կապանում անցկացված խորհրդակցությանը հանձնարարել է կոշտ արձագանքել Սյունիքի դեպքերին: «Ակնկալում եմ, որ շատ կտրուկ և հատուկ գործողություններով այս հարցը կլուծվի»,- ասել է վարչապետը: