Հասարակության մի մեծ զանգվածի մոտ հասունացել է նախկին կառավարման համակարգին անցնելու պահանջը: Հասարակական-քաղաքական գործիչ Գրիշա Վիրաբյանի խոսքով՝ երկրում կուտակվել են ներքին և արտաքին քաղաքականությանը վերաբերող բազմաթիվ խնդիրներ, որոնք այսօրվա համակարգն ի զորու չէ լուծել: Խորհրդարանականից նախկին՝ կիսանախագահական համակարգին անցնելու համար ընդդիմադիր գործիչը հանդիպումներ է ունեցել հասարակական-քաղաքական տարբեր ուժերի հետ, որոշում է կայացվել հանրաքվե անցկացնելու նպատակով հանրահավաք անցկացնել: Գրիշա Վիրաբյանը հանդիպել է և քննարկում է ունեցել նաև ԲՀԿ նախագահ Գագիկ Ծառուկյանի հետ: «Հաշվի առնելով, որ ԲՀԿ-ի օրակարգում այդպիսի հարց չկա և բարձր գնահատելով Գագիկ Ծառուկյանի խոսքն ու հեղինակությունը՝ հանրահավաքը անորոշ ժամանակով հետաձգվել է»,-ասել է Գրիշա Վիրաբյանը: