Կազմակերպիչների խոսքով միջոցառումը ազգայինի շուրջ համախմբելու ու ազգային ոգին ամրապնդելու նպատակ ունի: Փառատոնի հիմնադիր Սեդրակ Մամուլյանն, արձագանքելով այն շահարկումներին, թե տոլման թուրքական կամ ադրբեջանական է, հայտարարել է.«Խոհարարներն էլ մշակույթի սահմանապահներն են»:

Կովիդ 19-ի ցուցանիշը հանրապետությունում նվազում է: Ապրիլից Շիրակում կորոնավիրոսի ստացիոնար բուժման բաժանմունքներ չկան, անհրաժետության դեպքում պացինետները տեղափոխվում են այլ մարզեր կամ մայրաքաղաք: Մարզում 2000-ի է հասնում պատվաստվածների թիվը, նախապատվությունը տրվում է «Սպուտնիկ V» պատվաստանյութին:

Այսօր կայացել է Հայաստանի Դեմոկրատական կուսակցության 9-րդ համագումարը: Կուսակցության նախագահը հայտարարել է «Արզաքանցյան բարեգործական հիմնադրամի» հետ գործակցության հուշագիր ստորագրելու մասին: Ընտրություններում ցուցակը կգլխավորի Տիգրան Արզաքանցյանը, նրան կհաջորդեն Արամ Գասպարի Սարգսյանն ու Նարինե Դիլբարյանը:

«ԱՄՆ-ն այլևս չունի մեծ դեր ղարաբաղյան հակամարտության հարցում. Մինսկի խմբի առջև դրված առաջադրանքը շարունակում է լինել հիմնական առաջնահերթությունը՝ ամբողջական քաղաքական համաձայնության հասնելու համար»,-այս մասին հայ-ամերիկյան քաղաքական առաջին ֆորումի ժամանակ հայտարարել է «Քարնեգի» միջազգային խաղաղության հիմնադրամի ավագ գիտաշխատող Թոմ Դե Վաալը: Նա նաև նշել է, որ Հայաստան-Թուրքիա հարաբերությունները չեն կարող կարգավորվել, քանի դեռ Թուրքիայի ղեկավարը Էդողանն է: Ֆորումի մասնակիցները անդրադարձել են նաև Սյունիքի անվտանգային խնդիրներին և արտահերթ ընտրություններին:

2021-2022 ուսումնական տարվա մեկնարկին մնացել են հաշված ամիսներ: ԳԹԿ-ն ամփոփել է ընդունելության առաջին փուլի դիմորդների ցուցանիշը: Բուհերում ընդունելությունն այս տարի կկատարվի երկու փուլով: