Items filtered by date: Ուրբաթ, 11 Հունիսի 2021
Ուրբաթ, 11 Հունիսի 2021 22:45

Էպիկենտրոն 11.06.2021

 

 

Published in Էպիկենտրոն

«Քաղաքացիական պայմանագիր» կուսակցության վարչապետի թեկնածուն ևս այցելել է Տավուշի մարզ: Իր ելույթներում Նիկոլ Փաշինյանը մի քանի անգամ անդրադարձել է հոգևորականներին՝ նրանց անվանելով հոգևոր էլիտա: Բերդում Փաշինյանը խոսել է անկլավների փոխանակման մասին:

Հայաստանի սուվերեն տարածք ներխուժած ադրբեջանցիներին հակադարձելու համար հայկական կողմը պետք է գերեվարի հակառակորդի զինվորներին՝ հետագայում մեր տղաների հետ փոխանակելու համար,- համոզված է «Ազատ Հայրենիք» դաշինքի պատգամավորի թեկնածու Արշակ Սադոյանը: Նա առաջարկում է երկրում ստեղծված իրավիճակը հաղթահարելու համար ապավինել Մինսկի խմբի համանախագահներ ԱՄՆ-ի և Ֆրանսիայի օգնությանը:

«Զարթոնք» ազգային քրիստոնեական կուսակցությունը կարծում է, որ պետության կայացման հիմքում պետք է դրվի ամուր և առողջ ընտանիքի գաղափարը: Փաստաբաններից կազմված քաղաքական թիմի համոզմամբ՝ անհրաժեշտ է անխախտ պահել ընտանիք-եկեղեցի-բանակ եռամիասնությունը:

«Լուսավոր Հայաստան» կուսակցության վարչապետի թեկնածուն այսօր ևս թիմակիցների հետ քարոզարշավ է իրականացրել մայրաքաղաքում: Էդմոն Մարուքյանը կրկին ընդգծել է, որ իր կուսակցության հաղթանակի դեպքում միավորելու է բոլոր ուժերի պրոֆեսիոնալներին՝ ձևավորելով ազգային համաձայնության կառավարություն:

Շիրինյան-Բաբաջանյան դաշինքը հանդիպումներ է սկսել Արարատի մարզում: Դաշինքի անդամները եղել են Արտաշատում, ապա շրջել մարզի համայնքներով: Թեկնածուները հայտարարել են, որ հունիսի 20-ը ամուր պետություն կառուցելու սկզբնաժամկետն է լինելու:

Իշխանության գալու դեպքում Հայաստանի Եվրոպական կուսակցությունը պատրաստվում է չեղյալ հայտարարել նոյեմբերի 9-ի եռակողմ հայտարարությունը: Այս մասին հայտարարել է Տիգրան Խզմալյանը: Եվրոպական կուսակցության նախագահի խոսքով՝ եռակողմ փաստաթուղթը հաստատված չէ խորհրդարանի կողմից և չի կարող վավեր համարվել: Խզմալյանն անդրադարձել է նաև ադրբեջանում պահվող հայ գերիների վերադարձի խնդրին:

«Հայաստան» դաշինքն այսօր հանդիպել է Կոտայքի մարզի ընտրողների հետ: Ռոբերտ Քոչարյանը վստահեցրել է՝ 2008 թվականից հետո իշխանությունների հետ որևէ առնչություն չի ունեցել: Երկրորդ նախագահն այսպես արձագանքել է իշխանության այն պնդմանը, որ եթե իրենք չանցնեն, նախկիններն են գալու իշխանության և սկսելու թիկնազորով շրջել: «Բացառվում է,որ մենք նման կարգի դրսևորումներ թույլ տանք»,- նշել է նախկին նախագահը:

Էջ 1, 2-ից

Կոնտակտներ

Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)

Լրահավաք հեռախոս.
+374 10 39 10 39

Էլ.փոստ.
info@kentron.tv

Արխիվ

« June 2021 »
Mon Tue Wed Thu Fri Sat Sun
  1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30        

Մենք Facebook-ում

© Kentron TV - Բոլոր իրավունքները պաշտպանված են։
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց www.kentron.tv հղման։