ԿԳՄՍ նախարարն ուսանողատյաց է. ՈՒԽ-ները լուծարելու միտում է նկատվում // Իմպուլս վերլուծական 11.02.2021
Ոստիկանությունը բռնի ուժ կիրառեց անհետ կորածների հարազատների նկատմամբ
«Պիտի գնանք թշնամուն ծնկաչոք խնդրենք, որ մեր երեխաներին տան», հայտարարել են անհետ կորած զինծառայողների հարազատները: Նրանք առավոտից կառավարության շենքի մոտ էին, բողոքում էին իշխանության անգործությունից: Ծնողները մեղադրանքներ են հնչեցրել Նիկոլ Փաշինյանի հասցեին՝ նշելով, որ թե՛ վարչապետից և թե՛ կառավարությունից այլևս որևէ ակնկալիք չունեն: Ավելի ուշ նրանք փակել են Հանրապետության հրապարակ տանող ճանապարհը, իրավիճակը լարվել է,ոստիկանությունն ուժ է կիրառել ծնողների նկատմամբ:
Ստորագրե՞լ է արդյոք Հայաստանն Ադրբեջանի հետ ևս մեկ գաղտնի փաստաթուղթ. պաշտոնյաները պատասխան չեն տալիս
Վերջին 2 օրերի գլխավոր հարցին բարձրաստիճան պաշտոնյաները հստակ պատասխան չեն տալիս: ԱԳ նախարարն ասել է, որ նոր փաստաթղթից տեղյակ չէ, պաշտպանության նախարարն ընդհանրապես հարցին չի պատասխանել, ԱԺ պաշտպանության և անվտանգության հանձնաժողովի նախագահն էլ նշել է, որ չի տիրապետում այդպիսի ինֆորմացիայի: Մինչդեռ համացանցում շրջանառվում է հուշագրի մի տեքտսը, ըստ որի՝ Հայաստանն իր զորքը դուրս է բերում Կուբաթլուից և Զանգելանից, նաև կարգավորումներ են տրվում Գորիս-Կապան ճանապարհատվածի հետ կապված հարցերին:
Վտանգավոր իրավիճակ Սյունիքու՞մ.ինչու՞ է ԱԱԾ-ն իրազեկում պահանջում ԶԼՄ-ներից
«Բողոքի ալիքը քաղաքական ենթատեքստ չունի».Աբովյանի թիվ 1 դպրոցի ուսուցիչների արձագանքը նախարարին
Աբովյանի թիվ 1 ավագ դպրոցի ուսուցիչներն այսօր արձագանքել են ԿԳՄՍ նախարարի երեկվա հայտարարություններին: Դպրոցի անձնակազմի կարծիքով՝ Վահրամ Դումանյանը, լինելով ոլորտի պատասխանատու, տեղյակ չէ արդեն տևական ժամանակ շարունակվող խնդրին: Մանկավարժերը հերքում են նախարարի պնդումը,թե դպրոցում բարձրացած բողոքի ալիքը քաղաքական ենթատեքստ ունի, ընդհառակը՝ պնդում են,որ խնդիրն առաջացել է այն պատճառով, որ Կոտայքի մարզի դպրոցների կառավարման խորհուրդներում ընդգրկված են նախկին մարզպետի մերձավորները:
«Դարբինյանի հրաժարականի պահանջը լեգիտիմ չէ».ակցիա սլավոնականում՝ ի աջակցություն ռեկտորի
Հայ-ռուսական համալսարանի դասախոսները, ուսանողներն ու շրջանավարտները ԲՈՒՀ-ի գլխավոր մասնաշենքի մոտ ակցիա են իրականացրել՝ ի աջակցություն ռեկտոր Արմեն Դարբինյանի: Նրանք մտահոգություն են հայտնել ԲՈՒՀ-ը քաղաքական գործընթացներում ներքաշելու համար՝ նշելով, որ վարչապետը ռեկտորի նկատմամբ ճնշումներ է իրականացնում: Արմեն Դարբինյանը,հիշեցնենք, օրեր առաջ բաց նամակ էր հղել Փաշինյանին՝ նշելով, որ իրեն ԱԱԾ-ի միջոցով փոխանցել են ռեկտորի հրաժարականի պահանջ: Ի դեպ, տեղեկանալով, որ համալասարանում ինքնաբուխ հավաք է անցակացվելու, Դարբինյանն այսօր աշխատանքի չէր ներկայացել:
15-20 տարի կամ ցմահ ազատազրկում պետական դավաճանության համար.ԲՀԿ-ի նախագիծն ընդունվեց
Խորհրդարանի հերթական նիստը բավական բուռն է անցել: Բերված նախագծերը մեկը մյուսից թեժ քննարկման են արժանացել:«Բարգավաճ Հայաստանը» ներկայացրել է պետական դավաճանության համար մինչև ցմահ ազատազրկում սահմանող նախագիծը: Իսկ Ալեն Սիմոնյանն առաջարկել է բարձրացնել վիրավորանքի և զրպարտության համար նախատեսված վնասի հատուցման չափերը:Ի պատասխան՝ «Լուսավոր Հայասատան»-ն իշխանությանը մեղադրել է ֆեյքերի ֆաբրիկա ունենալու մեջ:Մեկ այլ նախագծի քննարկման ժամանակ էլ պարզվել է, որ Հայաստանում Քովիդը խնդիր է,իսկ ՄԻԱՎ-ՁԻԱՀ-ը՝ոչ:
«Ոնց ուզում եք ընդունեք».նախարարները խուսափեցին լրագրողների հարցերից
«2020-ին ունեցել ենք 2 ոլորտ, որտեղ աճ է գրանցվել:Դրանցից մեկը գյուղատնտեսությունն է»,-հայտարարել է վարչապետը: Պետությունը կշարունակի ևս չորս ամիս ամսական 68 հազար դրամ վճարել Արցախի հաշվառում ունեցող քաղաքացիներին: Գործադիրը մտադիր է նաև Գեղարքունիքի ու Սյունիքի մարզերի մի շարք համայնքներ ներառել սահմանամերձ բնակավայրերի ցանկում: Նիստից հետո կառավարության անդամներից ոմանք շփվել են լրագրողների հետ: Էկոնոմիկայի նախարարը շրջանցել է Իրանում հարբելու և հանդիպումները ձախողելու հարցը, ԿԳՄՍ նախարարն էլ խուսափել է Հայ-ռուսական սլավոնական համալսարանի ռեկտորի մասին հարցի պատասխանից: