Կորոնավիրուսի դեմ կառավարության պայքարի արդյունավետությունն ուսումնասիրող ԱԺ քննիչ հանձնաժողովի գործունեության ժամկետը երկարաձգվել է 6 ամսով: Հանձնաժողովի արտահերթ նիստում նման առաջարկով են հանդես եկել «Իմ քայլը» խմբակցության պատգամավորները: Երկարաձգումը պայմանավորված է աշնանը տեղի ունեցած պատերազմական գործողություններով, որոնց հետևանքով հանձնաժողովի գործունեությունն ընդհատվել էր: Հիմնական Զեկուցող Հերիքնազ Տիգրանյանը նշել է, որ տեղեկատվություն ստանալու համար դիմել են պետական մարմիններին, ուստի այն ստաալու, ամփոփելու և զեկույց կազմելու համար ժամանակ է անհրաժեշտ: