«Զվարթնոց» օդանավակայանում գոյացած հերթերին անդրադարձել են պատգամավորները: Հայրենազրկումից հետո Հայաստանը կարող է նաև մարդաթափվել, մտահոգություն է հայտնել «Բարգավաճ Հայաստան» խմբակցության պատգամավոր Միքայել Մելքումյանը: «Լուսավոր Հայաստան»-ից Կարեն Սիմոնյանն էլ նշել է, որ իշխանությունը չունի այն լեգիտիմությունը, որպեսզի կարողանա արգելել քաղաքացիներին լքել երկիրը: Մինչև ընդդիմադիրներն անհրաժեշտ են համարում անհապաղ կանգնեցնել արտագաղթը, իշխանական պատգամավորը հայտարարում է՝ «որևէ մեկին զոռով չենք պահելու»: