Հայաստանում է «Ֆրանկո Ֆերարա» միջազգային երաժշտական ակադեմիայի հիմնադիր տնօրեն, աշխարհահռչակ երաժիշտ Անտոնիո Կոնսալեսը: Նա այցելել է Երևանի «Արարատ» կոնյակի-գինու-օղու կոմբինատ, որտեղ արժանացել է Գագիկ Ծառուկյանի ջերմ ընդունելությանը: Բարեկամական մթնոլորտում անցած առանձնազրույցի ընթացքում զրուցակիցներն ընդգծել են օր-օրի զարգացող հայ իտալական հարաբերություններն ու խորացող մշակութային կապերը: Իտալացի դաշնակահարը նաև շրջայց է կատարել կոմբինատում,ծանոթացել հայկական բազմադարյան գինեգործության ավանդույթներին ու գինի ըմբոշխնել: Հենց կոմբինատի տարածքում Կոնսալեսը հանդես է եկել մենահամերգով՝ ներկայացնելով արտասահմանցի և հայ անվանի կոմպոզիտորների ստեղծագործությունները: