Կառավարության նիստում գործադիրը լուծարել է հանրապետության որոշ գիշերօթիկ հաստատություններն ու մանկատները: Այս քայլը միտված է երեխաներին ընտանիքներում պահելու քաղաքականությանը: Ընտանեկան բռնության ջատագովներ կան նույնիսկ կառավարությունում ու պետական համակարգում: «Տգիտության քարոզով զբաղվողներին պետական համակարգից պետք է արմատախիլ անենք, ընդհուպ պինցետով»,-ընդգծել է վարչապետ Նիկոլ Փաշինյանը: Կառավարության նիստում Վայոց Ձորի մարզպետ է նշանակվել: Արարատ Գրիգորյանը ծնունդով Եղեգնաձորից է, փաստաբան: Նորանշանակ մարզպետը փոխգնդապետ Արա Մխիթարյանին ծեծի ենթարկած եղբայրների փաստաբանն է:
Հայաստանի ԱԺ տարածաշրջանային և եվրասիական ինտեգրման հարցերի մշտական հանձնաժողովի պատվիրակությունը՝ հանձնաժողովի նախագահ Միքայել Մելքումյանի գլխավորությամբ, այցելել է Վերին Լարս: Տեղում մանրակրկիտ ուսումնասիրվել է տարիների ընթացքում արդեն իսկ խրոնիկ դարձած հերթերի, խցանումների հետ կապված իրավիճակը: Հայկական պատվիրակությունը հանդիպել է ՌԴ պետական դումայի գործընկեր հանձնաժողովականների հետ: Կողմերը նախանշել են հարցերի շրջանակ, որոնք պետք է քննարկվեն երկու երկրների խորհրդարաններում:
Անգլիացի ժամանակակից դրամատուրգ Ալան Էյկբորնի «Ննջասենյակային զավեշտ» ներկայացումը խոստանում է՝ եթե չլուծել ընտանեկան խնդիրները, ապա գոնե թեթևացնել դրանք: «Ննջասենյակային զավեշտն» առաջին անգամ բեմ է բարձրանում Պետական կամերային երաժշտական թատրոնում: Բեմադրիչը ֆրանսահայ ռեժիսոր Ժիրայր Բաբասյանն է: Դերասանները խոստանում են՝ ներկայացման մեջ հանդիսատեսը կարող է գտնել ինքն իրեն: Մեծ պրեմիերային ներկա է եղել «Էպիկենտրոնի» նկարահանող խումբը:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv