Ազգային անվտանգության ծառայությունը բացահայտել է օտարերկրացիների կողմից օրենքի կոպիտ խախտմամբ բազմաթիվ երեխաների որդեգրման դեպքեր: Պարզվել է, որ Հայաստանի 2 քաղաքացիներ՝ օգտագործելով մանկաբարձական հաստատություններից մեկում, գերատեսչություններում և մանկատներում ունեցած կապերը, կազմակերպել են 3 տասնյակից ավելի երեխաների որդեգրումները Իտալիայում: ԱԱԾ-ի սկանդալային բացահայտմանն անդրադարձել է Անվտանգության խորհրդի քարտուղարը: Արմեն Գրիգորյանն ասել է, որ նման հարցերն իրենց թիրախում են: Խնդրի վերաբերյալ Ֆեյսբուքի իր էջում գրառում է արել նաև Առողջապահության նախարարը: