Երևանում կայացել է Եվրասիական բարձրագույն տնտեսական խորհրդի հերթական նիստը, որին մասնակցել են ԵԱՏՄ անդամ և գործընկեր երկրների ղեկավարները: Բելառուսի, Իրանի, Ղրղզստանի, Ղազախստանի և Մոլդովայի նախագաhները Հայաստանում են երեկվանից: Իսկ ահա Ռուսաստանի նախագահը գործընկերներին է միացել այսօր՝ կեսօրից հետո: Բաղրամյան 26-ում նախ կայացել է Բարձրագույն խորհրդի նիստի նեղ կազմով հանդիպումը, որին մասնակցել են ԵԱՏՄ անդամ երկրների ղեկավարները և Եվրասիական տնտեսական հանձնաժողովի կոլեգիայի նախագահ Տիգրան Սարգսյանը: Այնուհետև տեղի է ունեցել ընդլայնված կազմով նիստը, որին հրավիրյալ երկրի ղեկավարի կարգավիճակով մասնակցել է նաև Իրանի նախագահը և Սինգապուրի վարչապետը: Մոլդովայի նախագահը մասնակցել է որպես դիտորդի կարգավիճակում գտնվող երկրի ղեկավար: Նիստի ավարտն ազդարավել է ԵԱՏՄ-ի և Սինգապուրի միջև Ազատ առևտրի մասին համաձայնագրի ստորագրմամբ: Որոշում է կայացվել հաջորդ նիստն անցկացնել այս տարվա դեկտեմբերին՝ Սանկտ Պետերբուրգում:
Երեքշաբթի, 01 Հոկտեմբերի 2019 20:47
Պուտինը, Ռոհանին, Լուկաշենկոն՝ Երևանում. կայացավ Եվրասիական բարձրագույն տնտեսական խորհրդի նիստը
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv