Օպերայի տարածքի սրճարանների ապամոնտաժման աշխատանքներն այսօր առավոտյան կրկին շարունակվել են: Ի տարբերություն նախորդ օրվա, սրճարանների աշխատակիցները բողոքի ակցիա չեն անցկացրել: Քաղաքապետարանից հայտնել են, որ որեւէ անօրինական գործողություն չի իրականացվել, տնտեսվարողները պատշաճ ծանուցվել են, իսկ սրճարանների տարածքում մի քանի օրից արդեն կսկսվեն կանաչապատման աշխատանքները: Այսօր հայտարարություն է տարածել Ջազզվեի սեփականատերերից Արմեն Պետրոսյանը: Նա կոչ է արել դադարեցնել բողոքի գործողությունները` պայքարը տեղափոխելով իրավական հարթություն: Ոստիկանության հասարակայնության հետ կապի և լրատվության վարչության պետ Աշոտ Ահարոնյանն էլ հայտնել է, որ երեկ Մաշտոցի պողոտայում քաղաքացուն հարվածներ հասցրած ոստիկանության ծառայողի լիազորությունները դադարեցվել են: