Ավինյանը, Ավանեսյանը, նրա ամուսինն ու քույրը պատվաստվել են «Աստրազենեկա» պատվաստանյութով
Տիգրան Ավինյանն ու Անահիտ Ավանեսյանը կորոնավիրուսի դեմ պատվաստվել են «Աստրազենեկա» պատվաստանյութով: Առողջապահության նախարարի պաշտոնակատարը պատվաստվել է լրագրողների ներկայությամբ, փոխվարչապետի պաշտոնակատարը՝ առանց լրագրողների: Պատվաստանյութի առաջին չափաբաժինը ստացել են նաև Ավանեսյանի քույրը, ամուսինը, առողջապահության ոլորտի ներկայացուցիչներ: Երկրորդ չափաբաժինը կստանան երկու ամիս հետո: Պատվաստվելուց հետո պաշտոնյաներն իրենց լավ են զգացել:
ՊԵԿ-ն առաջարկում է կրճատել ԱԱՀ-ի գումարների փոխհատուցման ժամկետները
ԱԺ տնտեսական հարցերի հանձնաժողովը քննարկել է Հարկային օրենսգրքում փոփոխությունների նախագիծը: ՊԵԿ-ն առաջարկում է կրճատել ԱԱՀ-ի գումարների փոխհատուցման ժամկետները՝ 3-ից դարձնելով 1 ամիս: Մեկ այլ փոփոխությամբ՝ առաջարկվում է վերացնել արտահանման ծրագրերի արտոնյալ ժամկետի սահմանափակումը և արտոնությունները երկարաձգել մինչև 2029 թվականը:
«Իմ քայլը» ցանկանում է խստացնել պատիժը ընտրախախտումների համար. ընդդիմությունը վերապահումներ ունի
Իշխող խմբակցության պատգամավորների նախաձեռնությամբ ԱԺ-ն գումարել է արտահերթ նիստ: Առաջին ընթերցմամաբ ընդունվել են Քրեական օրենսգրքում և կից օրենքներում, ինչպես նաև Հարկային օրենսգրքում առաջարկվող փոփոխությունները: Դրանցից մեկով խորհրդարանի առաջիկա ընտրություններին խստացվելու է ընտրախտումների համար նախատեսված պատասխանատվությունը: Ընդդիմադիր խմբակցությունները չեն մասնակցել նախագծերի քվեարկությանը: ԲՀԿ-ն վերապահումներ է ներկայացրել առաջարկված փոփոխությունների վերաբերյալ:
ԵԱ չեմպիոն Արթուր Դավթյանը վերադարձել է Երևան.նրա հաջորդ երազանքն օլիմպիական ոսկին է
Մարմնամարզության Հայաստանի հավաքականը այս գիշեր Շվեյցարիայից վերադարձել է հայրենիք: Մեր պատվիրակությանը Զվարթնոց օդանավակայում դիմավորել են ՀԱՕԿ-ի և ԿԳՄՍ նախարարության ներկայացուցիչները: Հայաստանի հավաքականը Եվրոպայի առաջնությունից վերադարձել է չեմպիոնական տիտղոսով: Նժույգի վրա վարժությունում ոսկե մեդալակիր էր դարձել Արթուր Դավթյանը:
Շուտով Հայաստան կներմուծվի չինական «Կորոնավակ» պատվաստանյութը
15 օրում իրականացվել է կորոնավիրուսի դեմ 2641 դեղաչափ պատվաստում: Օրեր առաջ ներկրվեց ռուսական պատվաստանյութի երկրորդ խմբաքանակը: Առողջապահության նախարարության մասնագետը հայտարարել է,որ առաջիկայում հանրապետությունը կստանա նաև երրորդ տեսակի՝ չինական պատվաստանյութը: Հիվանդությունների վերահսկման և կանխարգելման ազգային կենտրոնի տնօրենի տեղակալը ներկայացրել է Կովիդի դեմ պատվաստումների օրացույցի փոփոխությունները:Ըստ դրանց՝ «Աստրազենեկա»-յով կարող են պատվաստվել նաև երիտասարդները:
Առողջություն և Գեղեցկություն 28.04.2021 // Թոքերի մաքրում
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv