Քննչական կոմիտեն ձեռք է բերել համակարգչային տեղեկության առգրավման և անվտանգության սարքավորումներ: Բլոկիրատոր կոչվող սարքավորումը հնարավորություն է ընձեռում համակարգչի կամ կրիչի տիրոջն առանց ավելորդ անհարմարություններ պատճառելու կարճ ժամանակում ներբեռնել դրանց մեջ եղած ամբողջ տեղեկությունը: Տարբեր չափերի հատուկ պարկերն էլ բացառում են ինֆորմացիայի արտահոսքն ու ներհոսքը: Բլոկիրատորների կիրառումը կապահովի նախաքննությունը ողջամիտ ժամկետում ավարտելու սահմանադրական պահանջը: Հանցագործությունները բացահայտելու քննչական կոմիտեի ձեռք բերած նոր սարքավորումների մասին՝ մեր գործընկեր Արթուր Հակոբյանի պատրաստած տեսանյութում:
Արդյո՞ք պետք է փոխել Զվարթնոց օդանավակայանի անունը: Հարցն արդեն մի քանի օր բուռն կերպով քննարկվում է սոցիալական ցանցերում և մամուլում: Ամեն ինչ սկսվեց այն բանից հետո, երբ ֆեյսբուքյան օգտատերերից մեկն առաջարկեց օդանավակայանն անվանակոչել մեծանուն շանսոնեի անունով: Շառլ Ազնավուրի անվան օդանավակայան ունենալու միտքը հակասություններ է առաջացրել հանրության մեծ մասի մոտ: Ոմանք կարծում են, որ դա Շառլ Ազնավուրի հանդեպ հարգանքն արտահայտելու գեղեցիկ ժեստ է, մյուսներն էլ հակված են մտքին՝ թե անմտություն է: Սկզբնաղբյուրից մինչև պատասխանատու. կողմերի կարծիքները Աիդա Կարապետյանն է լսել:
Ստեփանակերտում երկու նոր թաղամաս է կառուցվում
Ստեփանակերտն, ավելի քան 500 բնակարանով, 2 նոր թաղամաս կունենա: Մինչեւ տարեվերջ տարածքների և նախագծերի պատրաստման աշխատանքերը կավարտվեն, իսկ բուն շինարարական աշխատանքները մեկնարկելու են 2019-ին:Ծրագրի շնորհիվ՝ բնակարաններ կհատկացվեն սոցիալապես անապահով խավերի ներկայացուցիչներին և հիփոթեքային վարկավորման շրջանակում բնակարան ցանկացողներին: Արցախից պատմում է մեր գործընկեր Մարինե Մկրտչյանը:
Ադրբեջանը ցանկանում է ահաբեկչին ու հանցագործին փոխանակել հասարակ քաղաքացիների հետ, որոնց պարտավոր է վերադարձնել հայկական կողմին: Այս երկրի՝ վերջերս արված հայտարարությունը հենց այդ մասին է վկայում: Պաշտոնական Ստեփանակերտն արդեն շանտաժ է որակել Բաքվի առաջարկությունը՝ գերիներին ու ձերբակալվածներին «բոլորին բոլորի հետ» սկզբունքով փոխանակելու վերաբերյալ: Պաշտպանության նախարարության մամուլի քարտուղար Արծրուն Հովհաննիսյանն էլ հայտարարել է՝ եթե Հայաստանում գեթ մեկ ռազմագերի լիներ, ապա հայկական կողմը ռազմագերիներին փոխանակելու պատրաստակամություն կհայտներ: Այս և Արցախի բանակցային գործընթացին վերաբերող վերջին զարգացումները՝ տեսանյութում:
Ինչո՞ւ է ձգձգվում Սերժ Սարգսյանին բնակարանով ապահովելու հարցը
Պետական գերատեսչությունների ղեկավարներն իրենց ոլորտի բյուջետային հատկացումները ներկայացնելուց հետո, պատասխանել են լրագրողների հարցերին: Այն մասին, թե ինչո՞ւ է ձգձգվում Սերժ Սարգսյանին բնակարանով ապահովելու հարցը, արդյո՞ք դատավորները զանգեր ստանում են իշխանությունից և Ազգային Ժողովի արտահերթ ընտրությունը կլինի՞ քաղաքական, թե ապաքաղաքական, կպատմի Ահարոն Հայրապետյանը:
Ազգային Ժողովի մշտական հանձնաժողովները համատեղ նիստերում շարունակում են քննարկել 2019 թվականի պետական բյուջեի նախագիծը: Հանրապետության նախագահի, վարչապետի, Ազգային ժողովի, արդարադատության նախարարության և պետական այլ գերատեսչությունների ղեկավարները կամ նրանց տեղակալներն այսօր ներկայացրել են իրենց ոլորտներին հաջորդ տարի հատկացվելիք ծախսերը, նաև պատասխանել պատգամավորների հարցերին: Մանրամասները՝ տեսանյութում:
Քաշաթաղի շրջանի Միրիկ գյուղի բարձրավանդակներից մեկում ընթանում են հնագիտական պեղումներ: Հայտնաբերվել է նախաքրիստոնեական շրջանի հզոր պաշտպանական համակարգով ամրոց, որտեղ պահպանվել են եզակի կառույցներ` տաճար-սրբատեղի, պաշտամունքային շինությունների և այլ կառույցների հիմքեր ու հետքեր: Հնագետները գտնում են, որ գործ ունեն հետաքրքիր հուշարձանի հետ: Վստահեցնում են՝ նման հնություն չկա ամբողջ տարածաշրջանում:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv