Թուրքիայի նախագահ Ռեջեփ Թայիփ Էրդողանը պատրաստակամություն է հայտնել դեղորայքային օժանդակություն ցուցաբերել Հայաստանին՝ համավարակի դեմ պայքարելու համար, ինչպես նաև դյուրացնել Թուրքիայից հայրենիք վերադառնալ ցանկացող Հայաստանի քաղաքացիների մեկնումը: Այս մասին Էրդողանը հայտնել է Պոլսո Հայոց պատրիարք Սահակ արքեպիսկոպոս Մաշալյանի հետ հեռախոսազրույցի ժամանակ, տեղեկացնում է Պատրիարքարանի պաշտոնական կայքէջը: Տեղեկությունը Արմենպրեսի հետ զրույցում պարզաբանել է ԱԳՆ խոսնակը: Աննա Նաղդալյանը հայտնել է, որ յոթ տասնյակ ՀՀ քաղաքացիների տեղափոխումն իրականացվում է ԱԳՆ ջանքերով և ֆինանսավորմամբ:
Թեև կորոնավիրուսի պատճառով հետաձգվում են բազմաթիվ մրցաշարեր, բայց մարզիկները շարունակում են մարզվել: Սպորտն ընդդեմ կորոնավիրուսի շարքից մեր սպորտային մեկնաբանն այսօր անդրադարձել է հունահռոմեական ոճի ըմբիշ, 2020 թվականի Եվրոպայի չեմպիոն Գևորգ Ղարիբյանին, որն անկախ իրավիճակից շարունակում է շաբաթը 6 օր մարզվել: Մեր չեմպիոնը խնդիր ունի ոչ միայն մնալ լավ մարզավիճակում, այլև բարելավել որակները, քանի որ պետք է նվաճի օլիմպիական ուղեգիր:
Կորոնավիրուսի տնտեսական հետևանքների չեզոքացման հակաճգնաժամային 10 ծրագրից 6-ն արդեն ուժի մեջ են մտել, 7-րդը կսկսի գործել արդեն վաղվանից: Այժմ ճշգրտման աշխատանքներ են կատարվում 8-րդ, 9-րդ և 10-րդ միջոցառումների վերաբերյալ: Լրացում է կատարվել նաև պետության կողմից գուղատնտեսական վարկերի տրամադրման ծրագրում: Փոխվարչապետի և նախարարների համատեղ ասուլիսին անդրադարձ է կատարվել նաև գազի գնի ու պետական պարտքի վերաբերյալ հարցերին:
«Հեռավար կրթության մարտահրավերներն ու հնարավորությունները արտակարգ դրության պայմաններում» թեմայով քննարկում է կազմակերպել խորհրդարանական պրոֆիլային հանձնաժողովը:Հեռավար քննարկմանը մասնակացել են նաև ուսուցիչներ: Փոխնախարար Ժաննա Անդրեասյանը նշել է, որ հեռավար կրթությունն ավելի տեսանելի է դարձնում ոլորտի խնդիրները: Մաթեմատիկոս Էմմա Կիրակոսյանի գնահատմամբ էլ՝ սպասելիքների այն նշաձողը, որը դրվել է հեռավար ուսուցումից, աբսուրդ է: Քննարկման մասնակիցները չեն բացառել, որ համաճարակից հետո հեռավար ուսուցումը կարող է դառնալ կրթական համակարգի բաղադրիչներից մեկը:
Կառավարությունը հաստատել է կորոնավիրուսի տնտեսական հետևանքները չեզոքացնելու 10-րդ ծրագիրը: Այն նախատեսված է երեք խմբի անձանց համար, որոնք զբաղվում են ընտանեկան ձեռնարկատիրությամբ կամ համարվում են ինքնազբաղված անձ: Աջակցությունը միանվագ է և հասանելի կդառնա ապրիլի 10-ից: Նիկոլ Փաշինյանը, անդրադառնալով հակաճգնաժամային 9-ը միջոցառումներին, տեղեկացրել է, որ միջոցառումների շրջանակում արդեն իսկ բաշխվել է 3 միլիարդ 670 միլիոն դրամ, որը նախատեսածի 10 տոկոսից էլ պակաս է և հընթացս կլրացվի: Վարչապետը նաև նշել է, որ Պարետատանը կքննարկեն, թե երկուշաբթի օրվանից ինչ կարգավորումներ պետք է գործեն:
«Գագիկ Ծառուկյան» բարեգործական հիմնադրամն առաջին անհրաժեշտության սնունդ է հատկացրել նաև Լոռու մարզում: Ստեփանավան, Սպիտակ, Վանաձոր, Ալավերդի, Տաշիր և հարակից համայնքներ. հիմնադրամի աշխատակիցները մարզի տարբեր բնակավայրերում օրեր շարունակ օգնություն են հատկացրել ավելի քան 800 անապահով ընտանիքի: Առանձնահատուկ ուշադրություն է դարձվել հատկապես տնակային ավանների բնակիչներին:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv