«Մի՛ հետաձգեք ամուսնությունները ձեր».պսակադրություն՝ Շուշիի Ղազանչեցոց եկեղեցում
Պատերազմին զուգահեռ՝ Արցախում կյանքը շարունակվում է: Շուշիի Ղազանչեցոց Սուրբ Ամենափրկիչ եկեղեցում այսօր հարսանիք էր: Հոկտեմբերի 8-ին ադրբեջանական օդուժի կողմից տաճարին հասցված հարվածից հետո սա առաջին պսականդրությունն է այնտեղ: Հովհաննեսի ու Մարիամի միության մասին այսօր բոլորն են խոսում: «Յոթ որդով սեղան նստեք»,«Երջանիկ ու խաղաղ երկրում ապրե՛ք»,- ֆեյսբուքյան օգտատերերի բարեմաղթանքներն էլ հազարավոր են:
«Ադրբեջանական կողմը թողել է շուրջ 40 դիակ հայկական համազգեստով և հետ շպրտվել».Ա.Բեգլարյան
BBC-ն բացահայտել է Ադրբեջանի պատերազմական հանցագործությունները Հադրութում
Հայ ռազմագերիների մասնակցությամբ տեսանյութերն անժխտելի պատերազմական հանցագործությունե են: Այս համոզմանն են Արցախի և Հայաստանի օմբուդսմենները: Արման Թաթոյանը հայ ռազմագերիների սպանության տեսանյութերն արդեն ուղարկել է ՄԱԿ, Եվրոպայի խորհուրդ և միջազգային այլ մարմիններ: BBC-ն հետաքննել է մեծ աղմուկ հանած տեսանյութը. գնահատականը նույնն է՝ ադրբեջանցիների կողմից հադրութցի ծերունու և երիտասարդի գնդակահարությունը պատերազմական հանցագործություն է:
Ուկրաինան ևս մտադիր է արտադրել թուրքական Bayraktar ԱԹՍ-ներ.ո՞ւմ դեմ կօգտագործվեն դրանք
Կանադական հերթական ընկերությունը դադարեցրել է ավիաշարժիչների մատակարարումը Թուրքիային: Զուգահեռ Ուկրաինան է պատրաստվում իր տարածքում արտադրել թուրքական Bayraktar անօդաչուներ,որոնք վերջին օրերին մեկը մյուսի հետևից զգետնվում են Արցախի ՊԲ-ի կողմից: Ռուսական Wargonzo նախագծի Ստամբուլի աղբյուրներն էլ հայտնում են, որ Թուրքիայից 1200 հատուկ ջոկատայիններ են տեղափոխվել Արցախյան ճակատ. ադրբեջանցիներն այլևս չեն կարողանում դիմակայել լեռներում Արցախի աշխարհազորայինների հետ ուղղակի բախմանը:
Ցույցեր Ավստրալիայում և Իսպանիայում.սփյուռքը պահանջում է ճանաչել Արցախի անկախությունը
Աշխարհի հայերը չեն դադարում արդարություն պահանջել: «Իսպանիան պետք է հասկանա ու դատապարտի Արցախում կատարվող հանցագործությունը»,-հայատարարել են Իսպանիայի հայ համայնքի ներկայացուցիչները այսօրվա բողոքի ակցիայի ժամանակ: Մեր հայրենակիցները փակել են Ֆրանսիա-Իսպանիա մայրուղին, որպեսզի այդ կերպ ստիպեն Պեդրո Սանչեսի կառավարությանը դադարեցնել զենքի վաճառքը ագրեսոր պետություններին: Բողոքի երթ է կազմակերպվել նաև հեռավոր Ավստրալիայում: Հայերը Արցախի ճանաչում են պահանջում:
Արցախցի կանայք միջազգային կառույցներից պահանջում են չլռել
«Պատերազմից հետո հիշելու ենք լռողներին»,- հայտարարում են Արցախից Երևան տեղափոխված կանայք: Նրանք չեն պատրաստվում դադարեցնել բողոքի ցույցերը.առաջիկայում այցելելու են Հայաստանում գործող միջազգային բոլոր գրասենյակներ:
«ՏՈՍ-ը խփեցինք». հայ զինվորների ցնծությունը
Արցախի ՊԲ-ն խոցել է Ադրբեջանի բանակի ՏՈՍ-1Ա ծանր հրանետային համակարգը: Հսկա համակարգի ոչնչացման տեսանյութը քիչ առաջ հրապարակել է ՊՆ մամուլի խոսնակը: Առավոտյան էլ հաղորդվել է, որ ՊԲ ստորաբաժանումները հաջողությամբ կանխում են հակառակորդի հարձակողական գործողությունները՝ վերահսկողության ներքո պահելով օպերատիվ-մարտավարական իրադրությունը: Հայկական կողմը հրապարակել է նաև այլ տեսանյութեր, որոնք պատկերում են հարավային ուղղությամբ ջախջախված հակառակորդի զինտեխնիկան, թշնամու ոչնչացված կենդանի ուժն ու ամրակառուցները:
«Նույնիսկ նրանց նախագահը չի հավատում,որ հաղթելու են».հայ երեխաների նկարները՝ Հյուսիսային պողոտայում
Հյուսիսային պողոտայում մի խումբ երեխաներ վաճառում են իրենց նկարները՝ հասույթը բանակին փոխանցելու նպատակով: Մայրաքաղաքի սրտում սեղաններ են տեղադրվել, որտեղ էլ երեխաները ստեղծագործում են: Արցախցի ու հայաստանցի երեխաների նկարներում հայկական երկու հանրապետությունների դրոշներն են, զինվորներն ու խաչը: Նկարներն էլ մակագրում են՝ «Հաղթելու ենք»:
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv