Նոր խստացումներ՝ COVID 19-ի դեմ չպատվաստելու դեպքում: Խստացումները վերաբերելու են ինչպես գիտակրթական ոլորտում, պետական մարմիններում աշխատողներին, այնպես էլ հանրային ծառայութուններ մատուցող անցանձ: Այս մասին կառավարության նիստից հետո հայտարարել է առողջապահության նախարարը: Անահիտ Ավանեսյանը նշել է, որ այդ հաստատությունների չպատվաստված աշխատակիցներն ամսական երկու անգամ ՊՇՌ թեստ են հանձնելու: Արդարադատության նախարարը ճեպազրույցի ժամանակ խոսել է նախօրեին խորհրդարանում լրագրողների նկարահանումները սահմանափակելու միջադեպի և մի շարք այլ հարցերի մասին: Տարածքային կառավարման և ենթակառուցվածքների նախարարն էլ լրագրողների հետ ճեպազրույցում անդրադարձել է կոմունիկացիաների բացման խնդրին և ներկայացրել գործարկվող երկաթգծի երթուղին:
Երկարատև դադարից հետո Լյուֆտհանզա խումբը կրկին Հայաստանում է: Գերմանական ավիաընկերությունն ամռան համար առաջարկում է շաբաթական մինչև տասնվեց չվերթ Հայաստանից դուրս և դեպի Հայաստան: 280 ուղղություն, ավելի քան 100 երկիր. մեր հայրենակիցները կարող են մեկնել Վիեննա, Ֆրանկֆուրտ, Բրյուսել, Քյոլն և այլն: Երևան-Ֆրանկֆուրտ առաջին չվերթը կմեկնարկի վաղը:
Տոկիոյի օլիմպիական խաղերն են ամփոփել մարմնամարզության Հայաստնի հավաքականի գլխավոր մարզիչ Հակոբ Սերոբյանն ու օլիմպիական խաղերի բրոնզե մեդալակիր Արթուր Դավթյանը: Նրանք նշել են, որ օլիմպիական խաղերն անցել են հետաքրքիր ու լարված պայքարում, իսկ այն բրոնզը որ նվաճել են ոսկու արժեք ունի:
Հայաստանի Պաշտպանության նախարար Արշակ Կարապետյանը Ռուսաստանի իր գործընկերոջ՝ Սերգեյ Շոյգույի հետ հանդիպման ընթացքում քննարկել է տարածաշրջանի ռազմական իրավիճակը և նշել՝ կարևոր է, որ տարածաշրջանում խաղաղություն պահպանվի: Շոյգուն հավաստիացրել է, որ Հայաստանն առանցքային դաշնակից է Ռուսաստանի համար Հարավային Կովկասում անվտանգության ապահովման հարցում:
Կառավարության որոշմամբ, մայրաքաղաքում հիպոտեկային վարկով բնակարան ձեռք բերելու դեպքում եկամտահարկի վերադարձի ծրագիրը աստիճանաբար կդադարեցվի: Փոխարենը այն կգործի մարզերում: Օրենքը ուժի մեջ կմտնի 2022թ-ի հունվարի 1-ից: Գործադիրի ղեկավարի դիտարկմամբ, օրենքում փոփոխություն կատարելու նպատակը՝ չորրորդ գոտիներում՝ Երևանի ծայրամասերում և մարզերում բնակարանաշինության խթանումն է: Մինչև օրակարգի հարցերին անդրադառնալը վարչապետը խոսել է տարածաշրջանում իրավիճակի դեէսկալացիայի, երկարատև կայունություն և խաղաղություն հաստատելու քայլերի մասին: Նիկոլ Փաշինյանի խոսքով՝ հայ-ադրբեջանական սահմանի սահամանագծման և սահմանազատման վերաբերյալ մեր դիրքորոշումն անփոփոխ է: Վարչապետի գնահատմամբ, եթե ՀԱՊԿ-ի համար ընդունելի չէ դիտորդական առաքելությունը, ապա այլընտրանքը մնում է ԵԱՀԿ Մինսկի խումբը:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv