Հակառակորդի սանձազերծած գործողությունների հետևանքով բեկորային վիրավորում ստացած և «Սուրբ Աստվածամայր» բուժկենտրոն տեղափոխված երեխաների մոտ դրական դինամիկա է նկատվում: Այնտեղ են բուժում ստանում վարդենիսցի Նարեկը, արցախցի Ռոբերտն ու Արծվիկը: Պատերազմի առաջին օրից այս բուժկենտրոն Արցախից 4 երեխա է տեղափոխվել: Երկուսին դուրս են գրել: Բժիշկները պայքարում են մյուս երեխաներին հնարավորինս արագ ոտքի կանգնեցնելու համար: