Կառավարության մոտ հերթական բողոքի ակցիա են իրականացրել Նորամարգի միջնակարգ դպրոցի ուսուցիչները՝ շարունակելով պնդել, որ դպրոցի տնօրենի թափուր պաշտոնի համար մրցույթը դիտավորյալ է տապալվել: Ըստ նրանց, Արարատի մարզպետ Գարիկ Սարգսյանը դպրոցի տնօրեն է ցանկանում նշանակել իր մերձավորին: Գործող կարգի համաձայն, եթե մրցույթը տապալվում է, ապա տնօրենին նշանակում է մարզպետը, հաստատում՝ փոխվարչապետը: Նորամարգցիները նշել են, որ եթե հարցն արդարացի լուծում չստանա, կանցնեն գործադուլի: