Այսօր Մայր Աթոռ Սուրբ Էջմիածնի նախաձեռնությամբ և ֆինանսավորմամբ, պարետատան և ԱԳՆ համակարգմամբ, կազմակերպվել է հատուկ չվերթ՝ Հնդկաստանում գործող Կալկաթայի Հայոց Մարդասիրական ճեմարանի 68 սաների և նրանց ուսուցիչների Հայաստան փոխադրումն իրականացնելու նպատակով: «Նրանք հենց ճեմարանի տարածքում որոշ ժամանակ մեկուսացված են եղել»,- հայտնել է ԱԳ նախարարի տեղակալ Ավետ Ադոնցը: Արտերկրում ժամանակավոր գտնվող ՀՀ քաղաքացիներին արտգործերի նախարարությունը հորդորում է վերադառնալ հայրենիք, քանի դեռ հնարավորություն կա: Իսկ բոլոր նրանք, ովքեր ինչ-ինչ պատճառներով չեն կարող գալ, պետք է կապ պահպանեն դեսպանությունների հետ: