Հայոց ցեղասպանության 100-ամյակին ընդառաջ նոր ընթացք է ստանում հայերից խլված անշարժ գույքի և դրա վերադարձի խնդիրը: Դեռևս օսմանյան շրջանից մնացած վկայականներով դատարան մտնելու և Թուրքիային իրավական պահանջներ ներկայացնելու հարցը, Մոդուս վիվենդի կենտրոնի ղեկավար Արա Պապյանի համոզմամբ, ռազմավարական կարևորություն ունի: Թուրքիայում սեփականության փաստաթղթեր ունեցող հրապարակախոս Սարգիս Հացպանյանը լավատես չէ դատական կարգով հայերին պատկանող գույքը վերադարձնելու հարցի առնչությամբ, քանի որ այդ երկիրը պետական մակարդակով արգելք է դրել հայերի և հույների իրավական պահանջների քննարկման վրա: