«Կառավարությունը պատրասատակամ է քննարկել Ազգային ժողովի բոլոր խմբակցությունների գրավոր առաջարկները»,- Կառավարության ծրագրի քննարկման ժամանակ հայտարարել է ԱԺ նախագահ Արարատ Միրզոյանը: Ավելի վաղ ընդդիմադիր պատգամավորները բավական կոշտ քննադատության են ենթարկել կառավարության ներկայացրած փաստաթուղթը՝ մատնանշելով թվային ցուցանիշների բացակայությունը: «Գագիկ Ծառուկյանը երեկ ներկայացրել է այն հիմնական թիրախները, որոնք կարող են ապահովել տնտեսական հեղափոխությունը: Մենք պատրաստ են օգնել, մենք ուզում ենք օգնել, որովհետև ձախողումը չի լինելու միայն խորհրդարանական մեծամասնության ձախողումը, այլ լինելու է յուրաքանչյուր քաղաքացու ձախողումը», -իր ելույթում նշել է Բարգավաճ Հայաստան խմբակցության պատգամավոր Նաիրա Զոհրաբյանը: Նույն խմբակցության պատգամավոր Միքայել Մելքումյանի խոսքով էլ տնտեսական հեղափոխության շուրջ պետք է կոնսենսուս լինի: «Բարգավաճ Հայաստան» խմբակցությունը կառավարության ծրագրի վերաբերյալ երեք առաջարկ է ներկայացրել:
Չորեքշաբթի, 13 Փետրվարի 2019 21:20