ԱՄՆ նախագահ Դոնալդ Թրամփի և Հայաստանի վարչապետ Նիկոլ Փաշինյանի հանդիպման հնարավորությունը դիտարկվում է, սակայն որոշում դեռևս կայացված չէ,- այսօր ասել է Հայաստանում Միացյալ Նահանգների դեսպան Ռիչարդ Միլսը: Դեսպանը Հայաստանի Կրթության և գիտության նախարարի ու Հայաստանի մանուկներ հիմնադրամի հետ այսօր ստորագրել է համաձայնագիր, որով ԱՄՆ դեսպանության անգլերենի ուսուցման ԱՔՍԵՍ միկրոկրթաթոշակային ծրագրով Հայաստանի մարզերում կկազմակերպվեն անգլերենի խորացված արտադպրոցական պարապունքներ:
Ադրբեջանն իր գործողություններով և հռետորաբանությամբ խաթարում է խաղաղության մթնոլորտը և հնարավորությունը, և մենք համարժեք ենք լինելու իրավիճակին: ՊՆ վարչական համալիրում տեղի ունեցած ռազմաուսումնական հաստատությունների ուսումնական տարվա ավարտական միջոցառման ժամանակ ասել է վարչապետ Նիկոլ Փաշինյանը: Նա նշել է, որ Հայաստանը պատրաստ է Արցախի հարցը խաղաղ ճանապարհով լուծելու և բանակցության սեղանի շուրջ նստելու համար, բայց բանակցային գործընթացին պետք է ներգավված լինի նաև Արցախի Հանրապետությունը: Նիկոլ Փաշինյանը շնորհավորել է առաջին կոչումը ստացած սպաներին և նշել, որ նրանց վրա մեծ պատասխանատվություն է դրված՝ պաշտպանել հայրենիքի անվտանգությունը:
Մի խումբ ազատամարտիկների ընտանիքների անդամներն իրենց բողոքի ձայն են բարձրացրել: Ասում են, որ չեն կարողանում օգտվել իրենց տրված արտոնությունից: Նրանք դիմել են ,Բարգավաճ Հայաստանե կուսակցությանն ու ԱԺ ,Ծառուկյանե խմբակցությանը, հույս ունենալով, որ նրանց խնդիրները կբարձրաձայնվեն: Նաիրա Զոհրաբյանը տեղեկացրել է, որ Ծառուկյան խմբակցության փորձագետներին հանձնարարվել է ուսումնասիրել Զինծառայողների և նրանց ընտանիքների անդամների սոցիալական ապահովության մասին օրենքի փոփոխության և արտոնությունների շրջանակի ավելացման հնարավորությունները:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv