Գործարար Սիլվա Համբարձումյանն այսօր լրագրողներին պատմել է, թե ինչպես է մետաղական հանք ձեռք բերելու համար 14 մլն դոլար կաշառք տվել ՀՀԿ-ական պատգամավոր, բնապահպանության նախկին նախարար Արամ Հարությունյանին: Գործն այս պահին ՀՔԾ-ի վարույթում է: Գործով տուժած ճանաչված գործարարը պնդում է, որ 8 մլն դոլարը փոխանցել է մի կնոջ Դուբայի հաշվեհամարի, որից հետո Արամ Հարությունյանի մտերիմները՝ երեք հոգի, մի քանի օրվա տարբերությամբ Դուբայում այդ գումարը մաս-մաս փոխանցել են իրենց հաշիվներին: Սիլվա Համբարձումյանի խոսքով՝ գործում ներքաշված բոլոր անձանց հետ առերեսում եղել է, հարցաքննվել է նաև պատգամավորը: Այս պահի դրությամբ չի հարցաքննվել միայն Սևանի հոգեբուժարանի տնօրեն Գագիկ Կարապետյանը, որն ըստ տուժածի, կանխիկացրել է այդ գումարի մի մասն ու փոխանցել պատգամավորին:
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv