Այսօր Հատուկ Քննչական Ծառայությունում Մարտի 1-ի գործով քննչական գործողություններ են կատարվել Հայաստանի 2-րդ նախագահ Ռոբերտ Քոչարյանի նկատմամբ: Լուրը Էպիկետրոնի հետ զրույցում հաստատել է ՀՔԾ մամուլի խոսնակ Մարինա Օհանջանյանը՝ չնայած այն փաստին, որ այսօր կեսօրից Քննչականի երկու մուտքերի դիմաց անդադար հերթապահած լրագրողներն այդպես էլ չեն տեսել 2-րդ նախագահին, որը մարտի 1-ի գործում ունի վկայի կարգավիճակ: Նույն գործով նույն կարգավիճակն ունի նաև Զինված Ուժերի գլխավոր շտաբի նախկին պետ, ՀԱՊԿ գլխավոր Քարտուղար Յուրի Խաչատրուրովը: Բարձրաստիճան զինվորականը ևս այսօր ներկայացրել է Հատուկ Քննչական Ծառայություն: Նրան տեսախցիկները կարողացել են ֆիքսել:
2018 թվականի ամառային զորակոչի ժամկետը երկարաձգվում է: Այն կավարտվի օգոստոսի 11-ին: Բայց զորացրումների վերջնաժամկետը հուլիսի 31-ն է: Այս համատեքտում վարչապետ Փաշինյանն անդրադարձել է բարձրաստիճան պաշտոնյաների զավակների՝ ժամկետային զինծառայության մեկնելու հարցին: Թեման ուսումնասիրում են իրավապահները: ,Ցավով եմ ասում, զորակոչի ոլորտում մենք դեռևս շարունակում ենք ունենալ չարաշահումներ: Զարմանալի է, որ այսպիսի վիճակում գտնվող երկրում այդ ոլորտում կարող են պաշտոնատար անձանց կողմից նման չարաշահումներ լինել: Սա խայտառակություն էե,- շեշտել է վարչապետը նա:
Սիլիկյան թաղամասի բնակիչների ահազանով՝ երեկ գիշերը ժամը 02-ին ԱԺ Ծառուկյան խմբակցության պատգամավոր Նաիրա Զոհրաբյանը կրկին այցելել է թաղամասում գործող ապօրինի աղբավայր, որը դարձյալ այրվում էր՝ թունավոր ծուխը տարածելով հարակից բնակավայրեր: Ինչպես հայտնել է պատգամավորը , բնակիչներն աղբավայրի շուրջ օրեր շարունակ բարիկադներ են կազմել՝ թույլ չտալով, որ Սանիտեկն իր վարձակալած ԶԻԼ-երով աղբը թափի այնտեղ: Պատգամավորը հայտնել է, որ դիմել է թե՛ մարդու իրավունքների պաշտպանին, թե՛ քաղաքապետարան և իրեն խոստացել են, որ առավոտյան խնդիրը լուծված կլինի: Խոստման համաձայն՝ առավոտյան ժամը 8-ից աղբանոցում մեկնարկել են հրդեհաշիջման աշխատանքները, որին մասնակցել է ԱԻՆ Փրկարար Ծառայության հրշեջ-փրկարարական ջոկատի 10-ը մարտական հաշվարկ , Ճգնաժամային կառավարման ազգային կենտրոնի արտակարգ իրավիճակների արձագանքման խումբը և 10-ը ջրցան մեքենա: Հրդեհաշիջման աշխատանքներին մասնակցել է 48 փրկարար: Սիլիկյան թաղամասի բնակիչները Էպիկենտրոնի հետ զրույցում հայտնել են, որ շնորհիվ ԱԺ Ծառուկյան խմբակցության, տեղի բնակիչների և պատգամավոր Նաիրա Զոհրաբյանի հետևողական ջանքերի, 20 տարի շարունակ գործող ապօրինի աղբավայրը վերջապես կվերացվի և իրենք կկարողանան ապրել մարդկային պայմաններում:
Բարգավաճ Հայաստան կուսակցության նախագահ Գագիկ Ծառուկյանն ընդունել է Հայաստանում Սիրիայի արտակարգ և լիազոր դեսպան Մոհամմեդ Հաջ Իբրահիմին: Սիրիացի դիվանագետը շնորհակալություն է հայտնել Գագիկ Ծառուկյանին՝ Հայաստանում սիրիահայերի խնդիրները մշտապես իր ուշադրության կենտրոնում պահելու և սիրիացի գործարարների հետ մեր երկրում համատեղ բիզնես նախագծեր իրականցնելու համար: ԲՀԿ նախագահը վերահաստատել է հայ-սիրիական հարաբերությունների խորացմանն ու նոր նախագծերի իրականացմանն աջակցելու պատրասատակամությունը:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv