«Համերաշխություն» ՀԿ նախագահը և փոքր ու միջին ձեռներեցները վրդովված են ոմն Տիգրան Հովհաննիսյանի՝ Գագիկ Ծառուկյանի և «Ծառուկյան» խմբակցության պատգամավորների մասին երեկ արած սուտ ու իրականությանը չհամապատասխանող հայտարարություններից: Նրանք վստահեցնում են, որ տարբեր ոլորտներում իրեն պաշտպան հայտարարած և տարբեր ՀԿ -ներ բացած ու բազմիցս իր դեմքը ցույց տված ոմն ինքնակոչ Տիգրան Հովհաննիսյան բարոյական իրավունք չունի հանդես գալ որևէ մեկի շահերի պաշտպանի անունից , առավել ևս մեղադրի մշտապես փոքր և միջին բիզնեսի կողքին կանգնած Գագիկ Ծառուկյանին ու նրա կուսակցության պատգամավորներին: Փոքր ու միջին ձեռներեցները նշել են, որ Տիգրան Հովհաննիսյանին ճանաչում են վաղուց և վստահեցրել են, որ նա նախկին իշխանության հետ գործակցող, ծախված ու գումարի դիմաց էժանագին պատվեր կատարող ոմն մեկն է և երբևէ չի պաշտպանել որևէ մեկի շահերը:
Դատարանը մերժել է Սասնա ծռեր խմբի անդամ Գագիկ Եղիազարյանի խափանման միջոց կալանավորումը փոխելու վերաբերյալ միջնորդությունը: Խափանման միջոցը փոխելու համար ԱԺ Ծառուկյան խմբակցության պատգամավորներ Նաիրա Զոհրաբյանը և Սերգեյ Բագրատյանը անձնական երաշխավորություն էին ներկայացրել դատարան` գրավի դիմաց նրան ազատ արձակելու համար: Պատգամավորները ներկա են եղել դատական նիստին և հաստատել երաշխավորագիրը:
Հանրապետական խմբակցության պատգամավոր Մանվել Գրիգորյանի շուրջ ծավալվող կրքերը չեն հանդարտվում: Արդեն առավոտյան պարզ դարձավ, որ Արցախի հանարապետության հերող մանվել Գրիգորյանին պատկանող Արցախի առանձնատնից կրկին հայտնաբերվել է Զինվորի բաժին գրությամբ պահածոներ, ծխախոտ, զինամթերք: Ավելի ուշ ոստիկանությունը հայտարարություն տարածեց նշելով, որ ձեռբակալվել է Մանվել Գրիգորյանի բարեկամը: Արցախի պաշտպանության բանակի նախկին հրամանատար՝ Սամվել Բաբայանն էլ խոսելով ազգային անվտանգության ծառայության բացահայտումներից ընդգծել է, որ բոլորն էլ տեղյակ են եղել Մանվել Գրիգորյանի արարքից:
Այսօր Ոստիկանության կազմակերպված հանցավորության դեմ պայքարի 6-րդ գլխավոր վարչության տնտեսական հանցագործությունների դեմ պայքարի ստորաբաժանումը գործողություններ է իրականացրել արագաչափ սարքերի և տեսախցիկների շահագործմամբ զբաղվող ,Սեքյուրիթի դրիմե ընկերությունում: ,Սեքյուրիթի դրիմե ընկերության տնօրեն Արամ Ղլեչյանը, որը հանդես է եկել նաև որպես փաստաբան և անվտանգության համակարգերով զբաղվող ,Էլլիպսե ընկերության տնօրենի խորհրդական, ,Էպիկենտրոնիե հետ հարցազրույցում հայտարարել է, որ այդ երկու ընկերությունները երբևէ օրենք չեն խախտել: Արամ Ղլեչյանը նաև հերքել է խոսակցությունները, որ ,Սեքյուրիթի դրիմե ընկերությունը կապ ունի Հայաստանի 3-րդ նախագահ Սերժ Սարգսյանի եղբոր՝ Ալեքսանդր Սարգսյանի հետ: ,Հեռուստացույցից բացի որևէ կերպ մենք այդ անձին չենք տեսելե, - ասել է Ղլեչյանը: