Սեպտեմբերի 1-ին Հայաստանում դասերը կվերսկսվեն միայն բակալավրի 1-ին կուրսի ուսանողների համար։ Դպրոցականներն ու մյուս բոլոր ուսանողները դասի կհաճախեն սեպտեմբերի 15-ից: Ինչպե՞ս են կրթական հաստատությունների վերաբացման լուրն ընդունել դպրոցականների ծնողներն ու ուսանողները, որքա՞ն գումար են նախատեսում նրանք ուսման համար համապատասխան պարագաներ և հագուստ գնելու համար:

Հանրային տրանսպորտում ստուգումները շարունակվում են: Երևանի Կենտրոն և Արաբկիր վարչական շրջաններում արված մշտադիտարկման արդյունքում՝ կրկին գերբեռնված ուղևորափոխադրում իրականացնող միկրոավտոբուսներ և ավտոբուսներ են հայտնաբերվել: «Էպիկենտրոնի» տեսախցիկը ֆիքսել է, թե ինչ ծանրաբեռնվածությամբ է աշխատում տրանսպորտը: Ինչո՞ւ են վարորդները թույլատրելիից ավելի շատ ուղևորներ են տեղափոխում: Իզաբելլա Հովհաննիսյանն է պատմում:

Մանվել Գրիգորյանի գործով դատական նիստն այսօր հետաձգվել է: Պաշտպանները դատարանին բժշկական տեղեկանք են ներկայացրել գեներալի բացակայությունը հիմնավորելու համար: Դատավոր Մարտիրոս Մնացականյանն էլ ներկայացրել է ՊԵԿ-ից ստացված գրությունը, ըստ որի՝ Գրիգորյանին պատկանող «Արա և Այծեմնիկ» ընկերությունը մոտ 1 մլրդ դրամի չկատարած հարկային պարտավորություն ունի: Պաշտպանները միջնորդել են կալանքից ազատել Գրիգորյանի գույքը, որպեսզի այդ պարտավորությունը կատարեն: Մյուս դատական նիստը՝ Մանվել Գրիգորյանի կնոջ՝ Նազիկ Ամիրյանի գործով, ևս հետաձգվել է, քանի որ նա էլ նիստին ներկա չի եղել:

«Մուլտի ֆայթ» մարտական ակումբն իր մարզադահլիճն ունեցավ նաև Օլիմպավանում: Հայաստանի ազգային օլիմպիական կոմիտեի նախագահ Գագիկ Ծառուկյանի նախաձեռնությամբ Օլիմպավանում բացվել է K-1-ի և ընդհանուր մենամարտերի մարզադահլիճ, որը հնարավորություն կտա մարզիկներին ավելի արդյունավետ մարզվել:«Մուլտի ֆայթ» մարզակումբի նոր մարզադահլիճի բացմանը ներկա գտնվելու համար ՀԱՕԿ նախագահի հրավերով Հայաստան են ժամանել նաև K-1-ի ռինգերում 100-ից ավելի հաղթանակ ունեցող ու բազում չեմպիոնական տիտղոսներ նվաճած Ջորջիո Պետրոսյանը՝ եղբոր՝ Արմենի հետ:

«Մուլտի ֆայթ» մարտական ակումբն իր մարզադահլիճն ունեցավ նաև Օլիմպավանում: Հայաստանի ազգային օլիմպիական կոմիտեի նախագահ Գագիկ Ծառուկյանի նախաձեռնությամբ Օլիմպավանում բացվել է K-1-ի և ընդհանուր մենամարտերի մարզադահլիճ, որը հնարավորություն կտա մարզիկներին ավելի արդյունավետ մարզվել:«Մուլտի ֆայթ» մարզակումբի նոր մարզադահլիճի բացմանը ներկա գտնվելու համար ՀԱՕԿ նախագահի հրավերով Հայաստան են ժամանել նաև K-1-ի ռինգերում 100-ից ավելի հաղթանակ ունեցող ու բազում չեմպիոնական տիտղոսներ նվաճած Ջորջիո Պետրոսյանը՝ եղբոր՝ Արմենի հետ: