Կենտրոնական ընտրական հանձնաժողովը վերջին աշխատանքներ է իրականացրել վաղվա ընտրություններին ընդառաջ: Հանձնաժողովի նախագահ Տիգրան Մուկուչյանը հանդիպել է ԱՊՀ միջխորհրդարանական վեհաժողովի ներկայացուցիչներին: Նրանք կարծիք են հայտնել, որ Հայաստանում, կարծես թե, ժողովրդավարական ձգտումներ են ու կոչ արել 11 ուժերին ազնիվ ընտրապայքար տանել:
Եռաբլուր զինվորական պանթեոնում այսօր տեղի է ունենեցել ՍՈւ-25 ինքնաթիռի ավիավթարի հետևանքով զոհված օդաչուներ փոխգնդապետ Արմեն Բաբայանի և մայոր Մովսես Մանուկյանի հուղարկավարությունը։ Արարողությանը մասնակցել են Պաշտպանության նախարարի պաշտոնակատար Դավիթ Տոնոյանը, ԶՈՒ Գլխավոր շտաբի պետ Արտակ Դավթյանը, օդաչուների հարազատներն ու ծառայակիցները։ Հիշեցնենք` Զինված ուժերի մարտական ինքնաթիռը վթարի էր ենթարկվել դեկտեմբերի 4-ին:
Հայաստանում անցկացվել է Մաքսային միության անդամ պետությունների Մաքսային ծառայությունների միավորված կոլեգիայի 29-րդ նիստը: Նիստին մասնակցել են Հայաստանի, Ռուսաստանի, Բելառուսի, Ղազախստանի, Ղրղզստանի մաքսային ծառայությունների պատվիրակությունները՝ ծառայությունների ղեկավարների գլխավորությամբ, ինչպես նաև Եվրասիական տնտեսական հանձնաժողովի պատվիրակությունը: Նիստի ընթացքում ստորագրվել է 30 որոշում, որոնք վերաբերում են մաքսային գործի տարբեր ուղղություններին: ԵԱՏՄ երկրները հավանություն են տվել էլէկտրոնային փաստաթղթերի փոխադարձ ճանաչելիության վերաբերյալ Հայաստանի նախաձեռնությանը:
Արցախի գյուղերից մեկը ևս շուրջօրյա խմելու ջուր է ստացել: Դաշուշենում ջրամատակարման համակարգը հիմնովին վերակառուցվել է՝ ժամանակակից պահանջներին համապատասխան: Դաշուշենցիների երազանքն իրականություն է դարձել Արցախի կառավարության և «Պրովանս-Հայաստան-Արցախ» ֆրանսիական բարեգործական կազմակերպության գործակցության շնորհիվ: Նույն աղբյուրի ֆինանսավորմամբ՝ այժմ վերակառուցվում է նաև Քռասնի և Այգեստան գյուղերի ներքին ջրացանցը: Պատմում է Արցախի մեր գործընկեր Մարինե Մկրտչյանը:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv