Վանաձորում բնակարանում երեկ երեկոյան բռնկված հրդեհը դարձել է քառամյա երեխայի մահվան պատճառ: Երեխան հրդեհի ժամանակ տանը մենակ է եղել: Ուր էին դեպքի պահին երեխայի ծնողները և արդյոք հնարավոր չէր լինի խուսափել ողբերգությունից, եթե չլիներ բարձիթողի վիճակ: Թեմայի հետքերով գնացել է Լոռու մարզի մեր թղթակից Գոհար Մովսիսյանը:
Գիտության պետական կոմիտեի աշխատանքային տարին է ամփոփել նախագահ Սամվել Հարությունյանը: Հայաստանում տեխնոլոգիական համալսարան կստեղծվի: Այն շատ կարևոր նշանակություն է ունենալու երկրի համար: Հայաստանի նման փոքր երկրները, որոնք չունեն բնական ռեսուրսներ, բայց ունեն մարդկային ռեսուրս, հիմնականում տեխնոլոգիական ուղղությամբ են զարգանում` կրթական և գիտական ծրագրեր իրականացնելու շնորհիվ,- ասել է Հարությունյանը: Աշխարհում տեխնոլոգիական թեքում ունեցող շատ համալսարաններ կան, որտեղ կուրսային աշխատանքների 70 տոկոսը ներդրվում է տնտեսության մեջ:
Պետական եկամուտների կոմիտեի նախաձեռնությամբ այս տարվա ընթացքում իրականացվել է հարկային միջավայրը բարելավող մի քանի օրենսդրական փոփոխություն: Ըստ ՊԵԿ վարչարարության մեթոդաբանության, ընթացակարգերի և սպասարկման վարչության պետ Արման Պողոսյանի, կառավարության ծրագրին համապատասխան՝ հատուկ ուշադրություն է հատկացվել հատկապես միկրոձեռնարկատիրության ոլորտին: Փոփոխություններ են կատարվել նաև Tax free համակարգում:
Եվրոպայի խորհրդի խորհրդարանական վեհաժողովի ժամանակ ելույթ է ունեցել Ազգային ժողովի փոխնախագահ, ԵԽԽՎ Հայաստանի ներկայացուցիչ Միքայել Մելքումյանը: Այս նստաշրջանի ընթացքում մենք քննարկել ենք տարբեր կարևոր հարցեր, սակայն առավել շատ ինձ սրտամոտ էին ժողովրդավարության և տնտեսական քաղաքականության խնդիրների քննարկումը,- ասել է նա: Միքայել Մելքումյանը ներկայացրել է, թե ինչ է կատարվում Ադրբեջանում, որը հանգեցնում է տարածաշրջանի ապակայունացմանը: Իլհամ Ալիեւը լվացք անելով սեփական ձեռքերը պետք է հեռու պահի միջազգային կառույցներից և այլ տեղերից:
Ադրբեջանը դիվանագիտական չվերթներով զենք է մատակարարում ահաբեկիչներին, այսօր ԵԽԽՎ-ում հայտարարել է Հայաստանի պատվիրակության անդամ Նաիրա Զոհրաբյանը: Ծառուկյան Դաշինքի պատգամավորը նաև պատասխանել է ադրբեջանական պատվիրակության անդամների հայտարարություններին։ Լեռնային Ղարաբաղի ադրբեջանցիների գործադիր կոմիտեի անդամ ներկայացած, Միլլի Մեջլիսի պատգամավոր Թահիր Ռզաևին Նաիրա Զոհրաբյանը կոչ է արել կողմնորոշվել թե որտեղ է ծնվել: Բանն այն է, որ ադրբեջանցի պատգամավորը տարբեր նստաշրջանների ժամանակ տարբեր ծննդավայրեր է նշում՝ Շուշի, Սարսանգի ջրամբարի հարակից տարածք և այլն:
Հայաստանի ազգային օլիմպիական կոմիտեի նախագահ Գագիկ Ծառուկյանի հովանավորությամբ 2-րդ տարին անընդմեջ Հայաստանում կայացել է Մուլտիֆորս անվանումը կրող ավտոսպորտի միջազգային մրցաշարը, որին մասնակցել է 50-ից ավելի ավտոարշավորդ աշխարհի տարբեր երկրներից: Մրցաշարի մրցանակային ֆոնդն այս տարի աճել է՝ գերազանցելով նախորդին: Բացի այդ եղել է նաև սուպեր մրցանակ` կատարելագործված ջիպ վռանգլեռ ավտոմեքենա: Հայկական ավտոսպորտի պատմության մեջ այդպիսի մրցանակային ֆոնդ դեռևս չի եղել:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv