Զորակոչի վերաբերյալ ԱԺ տեղի ունեցող քննարկումները ապրիլի քառօրյա պատերազմի ժամանակ զոհված հերոսների ծնողներին մտահոգության տեղիք է տվել: Նրանք պահանջում են բանակ չզորակոչել մարտական գործողությունների ժամանակ մահացած տղաների եղբայրներին: Բացի այդ, հերոսների ծնողները բաձրաձայնել են իրենց օրինական իրավունքների ոտնահարման և կուտակված անպատասխան բազմաթիվ հարցերի մասին:
Ազգային Ժողովի նիստն այսօր սկսել է 1 րոպե լռությամբ: Պատգամավորները մեկ րոպե լռությամբ հարգել են Հոկտեմբերի 27-ի զոհերի հիշատակը: Ազգային Ժողովը առաջին ընթերցմամբ ընդունել է Զինվորական ծառայության եւ զինծառայողի կարգավիճակի մասին օրենքի նախագիծը: Այն ընդունվել է 89 կողմ, 9 դեմ ձայներով: Օրենքի նախագծի ընդունմանը դեմ է քվեարկել ԱԺ Ելք խմբակցությունը: Ընդդիմադիր խմբակցության պատգամավորները պատասխանել են պաշտպանության նախարար Վիգեն Սարգսյանի՝ նրանց ուղղված մեղադրանքներին:
Արցախի խնդրի, արտաքին մարտահրավերների ու քաղաքական գործիչների կերպարի մասին հանրապետության ղեկավարը խոսել է Անդրանիկ Մարգարյան քաղաքական դպրոցում: Նախագահ Սարգսյանը հույս է հայտնել, որ այս դպրոցի սաները առավելագույնս արդյունավետ կօգտագործեն իրենց ուսումնառության ժամանակահատվածը նոր գիտելիքներ ու հմտություններ ձեռք բերելու համար: Հանրապետության ղեկավարը ուսանողներին հորդորել է ուսումնասիրել Արցախի խնդրի լուծման գործընթացը և դրա վերաբերյալ հայկական կողմի դիրքորոշումները, որից հետո կրկին կհանդիպի ուսանողների հետ, այս անգամ հստակ թեմայի վերաբերյալ:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv