Ազգային ժողովի գիտության, կրթության, մշակույթի, երիտասարդության և սպորտի հարցերի մշտական հանձնաժողովն այսօր կազմակերպել է խորհրդարանական լսումներ՝ բարձրագույն կրթության մասին օրենքի նախագծի վերաբերյալ: ԱԺ Ծառուկյան խմբակցության պատգամավորներն սուր քննադատել են նախագծի խտրական և անընդունելի դրութները՝ հայտարարելով, որ քանի դեռ բարձրագույն կրթության մասին օրենքի վերաբերյալ երկրի հիմնական քաղաքական ուժերի և հանրության մեջ չկա կոնսենսուս, ուրեմն օրենքն ապագա չի ունենալու:

Ազգային ժողովի պետաիրավական հանձնաժողովի նիստը քննարկել է Ծառուկյան խմբակցության պատգամավորների ներկայացրած ընտրական օրենսգրքի փոփոխություն կատարելու մասին նախագիծը: Նախագծով Ծառուկյան խմբակցության պատգամավորներն առաջարկում են ռեյտինգային ընտրակարգից անցում կատարել համամասնականի: Թեժ քննարկումից հետո հանձնաժողովը Ծառուկյան խմբակցության նախագծին դեմ է քվեարկել: Չնայած, որ խորհրդարանական 2 ընդդիմադիր ուժերը կողմ էին փոփոխության:

Հանրապետության Նախագահի հետ աշխատանքային հանդիպման ժամանակ տնտեսական զարգացման և ներդրումների նախարար Սուրեն Կարայանն այսօր զեկուցել է նախորդ հանդիպման ժամանակ Նախագահի հանձնարարականների կատարման աշխատանքը, 2018 թվականի ծրագրերը: Սուրեն Կարայանը նշել է, որ ավարտվել են Իրանի և Չինաստանի հետ համաձայնագրերի վերաբերյալ բանակցությունները: Սերբիայի, Իսրայելի, Հնդկաստանի, Եգիպտոսի և Սինգապուրի հետ համաձայնագրերը բանակցային տարբեր փուլերում են: Կարևոր համարելով Եվրոպական միության GSP+արտոնյալ առևտրային ռեժիմը, ներդրվում է «Գրանցված արտահանողների համակարգ» ինքնահավաստագրման էլեկտրոնային համակարգը: Նախարարի հավաստմամբ՝ այս տարվա հունվարին արդեն սկսվել է արտահանողների գրանցումը: