Ինչու՞ 1-ին համալսարանական հիվանդանոցը չի օգտագործվել կորոնավիրուսով հիվանդներին բուժելու համար
Երևանի պետական բժշկական համալսարանի հոգաբարձուների խորհրդի նախագահ Վահան Արծրունին ՖԲ-ի իր էջում գրել է, որ մարտ ամսից համալսարանական կլինիկան կարող էր ընդունել և բուժօգնություն ցուցաբերել կորոնավիրուսով վարակվածներին: Բայց հատուկ Covid-բաժանմունքը ՝ ամբողջովին կոմպլեկտավորված մասնագետներով, սարքավորումներով և բժշկական միջոցներով, դատարկ է եղել և չի գործածվել անհայտ պատճառներով: «Էպիկենտրոն»-ի նկարահանող խումբը եղել է կլինիկական հիվանդանոցում: Ի՞նչ են պարզել այնտեղ մեր գործընկերները, և ինչպե՞ս է արձագանքել Արծրունու գրառմանը վարչապետը:
Նոր որոշում. ովքե՞ր կկարողանան մուտք գործել Արցախ
Այսօրվանից Արցախ մուտքի թույլտվություն կունենան միայն թեսթավորված բացասական արդյունքով քաղաքացիները, իսկ դիմակ կրելը փուլ առ փուլ կդառնա պարտադիր: Ստեփանակերտում տեղի է ունեցել Արցախի պարետատան հերթական նիստը, որը վարել է հանրապետության նախագահը:
«Կառավարության կողմից արհամարհանքի արժանացանք». հանդիսավարները կդիմե՞ն կտրուկ քայլերի
Իրենց ոլորտի օրհասական վիճակի մասին հերթական անգամ բարձրաձայնում են հանդիսավարները: Նրանք բողոքում են կառավարության խտրական վերաբերմունքից: Եթե աշխատում են սրճարանները, ռեստորանները, ակումբները, ապա ինչու՞ չեն կարող աշխատել հանդիսությունների սրահները: Հանդիսավարներն իրենց խնդրով դիմել են կառավարությանը, բայց մինչև օրս պատասխան չեն ստացել:
Սկանդալային պաշտոնանկություններ ուժային կառույցներում. ովքե՞ր են փոխարինելու հեռացողներին
Վարչապետ Նիկոլ Փաշինյանը որոշել է պաշտոններից ազատել ԱԱԾ տնօրեն Էդուարդ Մարտիրոսյանին, ոստիկանապետ Արման Սարգսյանին և ԶՈՒ գլխավոր շտաբի պետ Արտակ Դավթյանին: Այսօր արդեն հայտնի են դարձել նրանց փոխարինողները: Գնդապետ Արգիշտի Քյարամյանը նշանակվել է ԱԱԾ տնօրեն, գնդապետ Վահե Ղազարյանը՝ Ոստիկանության պետ, գեներալ-լեյտենանտ Օնիկ Գասպարյանը՝ ԶՈւ Գլխավոր շտաբի պետ: Ուշագրավ ի՞նչ իրադարձություններ են նախորդել կառավարության ղեկավարի այս որոշումներին:
Ու՞մ համար կբարձրանա գազի գինը.ՀԾԿՀ նախագահը մանրամասներ է հայտնել
Խորհրդարանում շարունակվում են 2019 թվականի բյուջեի կատարողականի քննարկումները: Գազի, Էլեկտրաէներգիայի և դիմակի գին, կորոնավիրուսի դեմ պայքար. լրագրողների հետ զրույցում պաշտոնյաները պատասխանել են հանրային հնչեղություն ունեցող հարցերի:«Գազի սակագինը որոշակի բարձրացման կարիք ունի»,- ասել է Հանրային ծառայությունները կարգավորող հանձնաժողովի նախագահը՝ միաժամանակ նշելով, որ առաջարկել են այն անփոփոխ թողնել բնակիչ-բաժանորդների և սոցիալապես անապահովների համար:
Արարատյան մաքսատանը տեղակայված բանկերի գործունեությունը 24 ժամով կասեցվեց
Պարետատան սահմանած կանոնների պահպանման համար Առողջապահական և աշխատանքի տեսչական մարմինը շարունակում է ստուգայցերը: Այսօր 24 ժամով կասեցվել է Արարատյան մաքսատանը տեղակայված բանկերի գործունեությունն ու «Հայփոստի» բաժանմունքներից մեկ երկուսը: Տնտեսվարողները հիմնականում թերացել են գծանշումների, ջերմաչափումների և աշխատակիցների միջև սոցիալական հեռավորության կանոնները խախտելու պարտավորություններում: