Այս գիշեր Բուխարեստից հայրենիք է վերադարձել Ծանրամարտի Հայաստանի երիտասարդական հավաքականը, որը փայլուն մրցելույթ էր ունեցել մինչև 20 և 23 տարեկանների Եվրոպայի առաջնությունում: Մեր ծանրորդներն, ընդհանուր առմամբ, նվաճել էին  35 մեդալ, որից 21-ը՝ ոսկե: Հայաստանն առաջինն է եղել նաև թիմային պայքարում՝ առաջ անցնելով բազմաթիվ գերտերություններից:

«Գագիկ Ծառուկյան» բարեգործական հիմնադրամի և «Երիտասարդական ռեսուրս կենտրոն»-ի նախաձեռնությամբ Աբովյանում կայացել է վոլեյբոլի համաուսանողական մրցաշար, որին մասնակցել են Աբովյան քաղաքի ուսումնական կենտրոնների ուսանողները: Մրցաշարին հետևել են ԱԺ «Բարգավաճ Հայաստան» խմբակցության պատգամավոր Էդուարդ Բաբայանը և Աբովյանի քաղաքապետ Վահագն Գևորգյանը: Հաղթող թիմին ու մրցանակակիրներին «Գագիկ Ծառուկյան» հիմնադրամի կողմից հատկացվել են դրամական պարգևներ, մեդալներ, գավաթներ և այլ նվերներ: