Օգոստոսի 24-25-ը պաշտոնական այցով Հայաստան կժամանի Գերմանիայի Դաշնային Հանրապետության կանցլեր Անգելա Մերկելը: Ըստ էության այցը տարածաշրջանային է, քանի որ դրան նախորդող օրերին էլ Գերմանիայի առաջին դեմքը լինելու է Վրաստանում: Կրեմլի ղեկավարի հետ էլ հանդիպում է նախատեսված վաղը: «Ռուսաստանի հետ երկխոսությունը կարևոր Է համաշխարհային ճգնաժամերի լուծումներ գտնելու համար: Դա աշխատանքային հանդիպում Է, դրանից չպետք Է հատուկ արդյունքներ ակնկալել», - հայտարարել է Գերմանիայի կանցլերը: Քանի՞ անգամ է Անգելա Մերկելը եղել մեր երկրում կամ այցելել է արդյոք Հայաստան, ինչո՞վ է կարևոր տարածաշրջանի համար այս այցն ու աշխարհում ի՞նչ է տեղի ունենում՝ առաջարկում եմ դիտել տեսաշարով:
Ջրացատկի Եվրոպայի առաջնության առաջին բրոնզե մեդալակիրները՝ Լև Սարգսյանն ու Վլադիմիր Հարությունյանն արդեն Հայաստնում են: Ջրացատկ մարզաձևում անկախ Հայաստանի առաջին մեդալակիրները վերսկսել են մարզումները, պատրասվում են կերտել նոր հաղթանակներ ու նվաճել նաև 2020 թվականի օլիմպիական խաղերի ուղեգիր: Եվրոպայի առաջնության բրոնզե մեդալկիրների մարզմանը ներկա է եղել նաև «Էպիկենտրոն» - ի նկարահանող խումբը:
Սիլիկյան թաղամասի բնակիչները բարիկադներով փակել են կոշտ թափոնների աղբավայր տանող ճանապարհը: Այստեղ շինարարականի հետ միասին նաև կենցաղային աղբն է թափվում: Մարդիկ այլևս չեն կարողանում շնչել տարածվող գարշահոտությունը: Թաղամասի բնակիչների ահազանգով աղբավայր է այցելել ԱԺ «Ծառուկյան» խմբակցության պատգամավոր Նաիրա Զոհրաբյանը:Նա հայտնել է, որ այս խնդրով արդեն դիմել է Երևանի քաղաքապետան:Պատգամավորը պատրասվում է դիմել նաև ոստիկանություն՝ խնդրին պատշաճ լուծում տալոու և շուրջօրյա հերթապահություն սահամանելու համար:
ՀՀ երկրորդ նախագահ Ռոբերտ Քոչարյանը վերադարձել է քաղաքականություն: Օգոստոսի 14-ին տապալված ասուլիսի ժամանակ նա այս և մի շարք այլ հարցերի մասին էր ուզում խոսել: Երկրորդ անգամ հյուրընկալվելով «Երկիր Մեդիա» հեռուստաընկերությունում՝ մոտ մեկ ժամ տևած հարցազրույցի ժամանակ Քոչարյանն անդրադարձել է ներքին և արտաքին քաղաքականությանը, ներքաղաքական վիճակին և իր դեմ հարուցված քրեական գործին: Նա կոչ է արել հանել նախաքննական գաղտնիքը և պնդել է, որ ամբողջ գործընթացը լինի թափանցիկ, որպեսզի պաշտպանական կողմը կարողանա խոսի ամեն ինչի մասին: Ռոբերտ Քոչարյանը ևս մեկ անգամ ընդգծել է, որ իր դեմ հարուցված գործը ամբողջությամբ շինծու է, արհեստական և ոչ այլ ինչ է, քան քաղաքական հետապնդում:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv