Այս տարի լրացել է  «Բարգավաճ Հայաստան» կուսակցության և Ռուսաստանի իշխող «Եդինայա Ռոսիա» կուսակցության միջև ստորգրված համագործակցության հուշագրի 10-ը տարին: ԲՀԿ նախագահ Գագիկ Ծառուկյանն այսօր ընդունել է ՌԴ Դաշնային ժողովի Պետական դումայի խոշորագույն՝ «Եդինայա Ռոսիա» խմբակցության անդամներին՝ խմբակցության ղեկավար Սերգեյ Նեվերովի գլխավորությամբ: Քննարկվել են հայ-ռուսական ռազմավարական-գործընկերային հարաբերությունների, միջխորհրդարանական, միջկուսակցական և միջխմբակցային կապերը խորացնելու վերաբերյալ հարցեր: Սերգեյ Նեվերովն ասել է, որ արտահերթ ընտրություններից հետո էլ ԲՀԿ-ի հետ հարաբերությունները կշարունակվեն և համոզմունք հայտնել, որ ընտրությունների ընթացքում ԲՀԿ-ն կստանա ժողովրդի վստահության քվեն:

Երևանի Կարեն Դեմիրճյանի անվան մարզահամերգային համալիրում մեկնարկել է Հայաստանի պատմության մեջ ամենախոշոր միջազգային միջոցառումը՝ Ֆրանկոֆոնիայի 17-րդ գագաթաժողովը, որին մասնակցելու համար մեր երկիր է ժամանել 84 երկրի պատվիրակություն: ,Ապրել միասինե կարգախոսով գագաթաժողովն աննախադեպ է ֆրանկոֆոն երկրների նախագահների, փոխնախագահների, վարչապետերի մասնակցության թվով: Մեր երկրում հյուրընկալվել են 26 պետության ղեկավարներ, 2 փոխնախագահ, 9 վարչապետ, 3 փոխվարչապետ, այդ թվում՝ Ֆրանսիայի նախագահ Էմանուել Մակրոնը տիկնոջ՝ Բրիջիթ Մակրոնի հետ, Կանադայի վարչապետ Ջասթին Թրյուդոն, Լիբանանի նախագահ Միշել Աունը,Մոնակոյի արքայազնը: