Արմավիրի մարզում թունավորված մարդիկ դեռ հիվանդանոցում են, նրանց առողջական վիճակը գնահատվում է բավարար: Հիշեցնենք, որ երեկ արձանագրված թունավորման դեպքից տուժած մոտ ութ տասնյակ քաղաքացի հոսպիտալացվել է: Պարզվել է, որ բոլոր տուժածներն աշխատում են «Հայաստանի հողեր» կազմակերպությունում: Ընդմիջմանը նրանք կերել են սենդվիչներ՝ կոտլետով և հավի մսով: Մի քանի ժամ անց աշխատակիցների ինքնազգացողությունը վատացել է: Տուժածների մի մասն արդեն դուրս է գրվել: Մասնագետները պարզել են, որ Հայաստանի հողեր ընկերությանը խոհարարական արտադրանք է մատակարարում անհատ ձեռնարկատեր Ալվինա Մելքոնյանը, որն այդ օրը մատակարարել է հավի կրծքամսով, պանրով, կարտոֆիլով և կանաչիով սենդվիչ: Անհատ ձեռնարկատիրոջ գործունեությունը, նաև առկա խոհարարական ամբողջ արտադրանքի իրացումը կասեցվել է: Լաբորատոր հետազոտությունը պարզել է, որ հետազոտված հիվանդներից վերցրած բոլոր կենսաբանական նմուշներում հայտնաբերվել է սալմոնելոզի հարուցիչ:
Շաբաթ, 19 Մայիսի 2018 14:56
Արմավիրի մարզում թունավորված մարդկանց առողջական վիճակը գնահատվում է բավարար
Կոնտակտներ
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv