Items filtered by date: Երկուշաբթի, 25 Մայիսի 2020
Երկուշաբթի, 25 Մայիսի 2020 22:07

Էպիկենտրոն 25.05.2020

 

 

Published in Էպիկենտրոն

Պարետատան նիստի ավարտից հետո Նիկոլ Փաշինյանը ՖԲ-ի ուղիղ եթերում խոսել է COVID-19-ի հետ կապված իրավիճակի մասին: Անդրադառնալով հարցին, թե որն է կառավարության «սխալը» վիրուսի դեմ տարվող պայքարում՝ վարչապետն ասել է. «Մենք գուցե չափից ավելի մեծ վստահություն ենք տածել մեր սիրելի հայրենակիցների անհատական պատասխանատվության գործոնի նկատմամբ»: Փաշինյանը կրկին կոչ է արել խստագույնս պահպանել հակահամաճարակային կանոնները և հայտարարել, որ յուրաքանչյուրն իր անհատական պատասխանատվությամբ պետք է օգնի, որպեսզի իրականացնենք, այսպես ասած, «կորոնավիրուսային հեղափոխություն»:

«Հիվանդությունների վերահսկման և կանխարգելման ազգային կենտրոն»-ի վարակիչ հիվանդությունների համաճարակաբանության բաժնի պետ Լիանա Թորոսյանը չի բացառել, որ երեկ Կապանում տեղի ունեցած բազմամարդ ցույցը կարող է դառնալ վիրուսի բռնկման նոր օջախ: Նա կոչ է արել հետևել բժիշկների հորդորներին, մաև անդրադարձել է հարցին, թե ինչու է աշխարհում վիրուսը նաhանջում, իսկ մեր երկրում՝ աճում:

Արցախի նախագահն այսօր ընդունել է պաշտպանության բանակի հրամանատարին: Ջալալ Հարությունյանը զեկուցել է առաջնագծում տիրող իրավիճակի, հակառակորդի զորավարժությունների մասին: Արցախում արտաքին մարտահրավերներին դիմագրավելու սկզբունքը շարունակում են համարել ներքին միասնականությունը: Արայիկ Հարությունյանը «Ազատ հայրենիք-ՔՄԴ» կուսակցությունների դաշինքի անունից այսօր գործակցության հուշագիր է ստորագրել «Միասնական հայրենիք» կուսակցության նախագահ Սամվել Բաբայանի հետ:

Բողոքի ակցիա քաղաքապետարանի «Կանաչապատման և շրջակա միջավայրի պահպանման հիմնադրամ» ՀՈԱԿ-ի` արդեն նախկին աշխատակիցների մասնակցությամբ: Հիմնարկի աշխատողները հայտարարում են, որ նոր տնօրենը կադրային ջարդ է իրականացնում՝ իր գործողությունները պատճառաբանելով որպես «անվտանգության հարց»: Ի պատասխան քննադատությունների ՝ քաղաքապետի մամուլի խոսնակն ասել է, որ տեղի ունեցած բոլոր գործողություններն օրինաչափ են եղել: Նա նաև մեկնաբանել է կադրային փոփոխություններում քաղաքապետի կնոջ մասնակցության վերաբերյալ տեղեկությունները:

Մեծածավալ փոփոխություններ Ոստիկանության կառուցվածքի և գործունեության վերաբերյալ օրենքներում: Կառավարությունն առաջարկում է ՃՈ-ն ու պարեկապահակային ծառայությունը ընդգրկել պարեկային ծառայության մեջ: Նոր պահանջներ են սահմանվելու ոստիկանների նկատմամբ՝ հաղորդակցության հմտություններից մինչև լեզուների իմացություն: Նախագծի հեղինակների համոզմամբ՝ նոր կարգավորումները ոչ միայն համակարգային, այլև մշակութային փոփոխություններ կբերեն:

Տնտեսական մրցակցության պաշտպանության պետական հանձնաժողովն ավարտել է ուսումնասիրությունը դիմակների շուկայում. գերիշխող դիրքի չարաշահման ու հակամրցակցային համաձայնության հիմքով վարույթ է հարուցվելու: Այսօր խորհրդարանական լսումների ժամանակ հակամոնոպոլ կառույցի ղեկավարն ասել է, որ ակնկալում է՝ դիմակի գինն առաջիկայում կնվազի:

Կրթության, գիտության, մշակույթի և սպորտի նախարարը ՖԲ-ի ուղիղ եթերում անդրադարձել է իր տեղակալի կողմից հովանավորչության մասին ԲՈԿ նախագահի հայտարարությանը: Սմբատ Գոգյանը, հիշեցնենք, հայտարարել է, որ տնտեսագիտական համալսարանի ռեկտորի պաշտոնակատարի դոկտորական աշխատանքում առկա են ակնհայտ արտագրություններ, սակայն Դիանա Գալոյանն առ այսօր զբաղեցնում է պաշտոնը, քանի որ նրան հովանավորում է նախարարի տեղակալ Գրիշա Թամրազյանը։ «Գիտական աշխատանքներում արտագրություններն ու թարգմանությունները ֆիքսելու փաստը արձանագրել է իմ կողմից ստեղծված հանձնաժողովը: Այստեղ հովանովորչության մասին խոսելն արդեն աբսուրդի ժանրից է»,- ասել է Արայիկ Հարությունյանը՝ իրավապահ մարմիններին խնդրելով իր հայտարարությունը դիտարկել հաղորդում հանցագործության մասին:

Սյունիքում երեկ ամբողջ օրվա ընթացքում իրավիճակը լարված է եղել: Ոստիկանությունը մի քրեական գործի շրջանակում լուսադեմին Կապանի բաժանմունք բերման է ենթարկել Քաջարանի 4 քաղաքացիների: Ավելի ուշ պարզվել է, որ նրանցից մեկը սխալմամբ է բերման ենթարկվել, վերջինն էլ հայտնել է, որ բաժանմունքում ենթարկվել է բռնության: Դրանից հետո իրավիճակը Կապանում կտրուկ սրվել է, ձերբակալված քաջարանցիներին անհապաղ արձակելու պահանջով վաղ առավոտից մինչև կեսգիշեր բազմամարդ բողոքի ակցիաներ են ընթացել: Կատարվածի հանգամանքները պարզելու համար ոստիկանապետի հրամանով ծառայողական քննություն է սկսվել: ՄԻՊ-ն էլ հայտարարել է, որ ծառայողական քննությունը բավարար չէ, և պետք է քրեական գործ հարուցվի: Իսկ Քննչական կոմիտեն կեսգիշերին մոտ է միայն դեպքի վերաբերյալ մանրամասներ հայտնել:

Էջ 1, 2-ից

Կոնտակտներ

Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)

Լրահավաք հեռախոս.
+374 10 39 10 39

Էլ.փոստ.
info@kentron.tv

Արխիվ

« May 2020 »
Mon Tue Wed Thu Fri Sat Sun
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Մենք Facebook-ում

© Kentron TV - Բոլոր իրավունքները պաշտպանված են։
Կայքէջի նյութերի վերարտադրումը, բեռնումը, տարածումը ցանկացած միջոցներով արգելվում է առանց www.kentron.tv հղման։