Դավիթաշեն վարչական շրջանում քաղաքապետարանը փոխել է բոլոր աղբամանները: Երեկվանից մաքրության հարցով զբաղվում է քաղաքային կոմունալ հիմնարկը: Երևանի ավագնու ԲՀԿ խմբակցության ղեկավար Միքայել Մանրիկյանը կարծում է, որ սա երկարաժամկետ լուծում չէ, և ապագայում աղբահանության խնդրին քաղաքային իշխանությունը նորից բախվելու է: Անհրաժեշտ է «Սանիթեքի» հետ պայմանագիրը լուծարել ու նոր օպերատորի ներգրավել:
Աշխատանքի և սոցիալական հարցերի նախարարությունը և «Օքսիջեն» հիմնադրամը հանրային քննարկում էին կազմակերպել աշխատանքային օրենսգրքի փոփոխությունների և լրացումների հետ կապված՝ իրազեկելու դրանց մասին քաղաքացիներին, լսելու նրանց առաջարկները:
Հյուսիս – հարավ մայրուղու Աշտարակ-Թալին ճանապարհահատվածի շինարարությունն իրականացնող ենթակապալառու ընկերությունների աշխատակիցները հայտարարել էին, որ այսօր, ինչպես երկու ամիս առաջ` մայիսի 30-ին, փակելու են ճանապարհը Ուջան գյուղի հատվածում` ի նշան բողոքի: Սակայն ճանապարհը փակելուց մեկ ժամ առաջ ակցիայի մասնակիցներին հրավիրել են ոստիկանություն, զգուշացրել,որ ճանապարհ փակելու դեպքում ոստիկանությունը գործելու է իրավաչափ : Ճանապարհը չեն փակել, նորից հանդիպում է նշանակվել կառավարության հետ:
Անդորրայում ընթացող Եվրոպայի առաջնության C դիվիզիոնի հաղթող ճանաչված բասկետբոլի մինչև 18 տարեկանների Հայաստանի կանանց թիմը վերադարձել է Երևան: Մեր մարզուհիները վաստակել են նաև անհատական մրցանակներ: Առաջնության լավագույն բասկետբոլիստուհի է ճանաչվել Կայլա Քեշմեշյանը, իսկ Մերի Մարգարյանն ընդգրկվել է լավագույն հնգյակում: Օդանավակայանում չեմպիոններին մեծ շուքով են դիմավորել: Մարզուհիներն ու մարզիչները նշել են, որ հաղթանակի կայացման գործում մեծ ներդրում ունի ՀԱՕԿ-ը՝ նախագահ Գագիկ Ծառուկյանի գլխավորությամբ:
«Անիմաստ է Հայաստանի գործող կառավարությանը կասկածել Արցախի դեմ որևէ հնարավոր դավադրության մեջ»,- երեկ երեկոյան Ստեփանակարետի Վերածննդի հրապարակում հայտարարել է Հայաստանի վարչապետ Նիկոլ Փաշինյանը: Ավելի քան 1 ժամ տևած ծավալուն ելույթի ընթացքում Հայաստանի ղեկավարը ներկայացրել է կառավարության ռազմավարական նպատակների աշխատանքային տարբերակը, թվարկել համահայկական օրակարգի իրականացման համար անհրաժեշտ 6 կոնսենսուսները: «Բանակցությունների արդյունքում Հայաստանի և Արցախի կառավարությունների համար ընդունելի համարված որևէ լուծում կարող է ընդունելի դիտվել միայն Հայաստանում ու Արցախում ժողովրդական հավանության դեպքում»,- հայտարարել է Նիկոլ Փաշինյանը: Արցախի նախագահ Բակո Սահակյանն ասել է, որ Ստեփանակերտում Համահայկական 7-րդ խաղերն անցկացվելու են ամենաբարձր մակարդակով:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv