Ամուլսարն առանց հանքի նախաձեռնությունը անցկացրել է ակցիա՝ ի պաշտպանություն Ջերմուկի, Գնդևազի և շրջակա այլ քաղաքաների բնակիչների: Նրանք հայտարարել են, որ թույլ չեն տալու հանքի շահագործումը: <<Սաբոտաժի չենք դիմում>>,- վարչապետ Նիկոլ Փաշինյանի հայտարարությանը հակադարձել են քաղաքացիները: Ակցիայի մասնակիցները եղել են նաև <<Լիդիան Արմենիա>> ընկերության գրասենյակի մոտ:
Այսօր նշվում է ՀՀ Սահմանադրության օրը: 1991-ին Հայաստանի Հանրապետության անկախության հռչակմամբ անխուսափելի դարձավ նոր՝ ազգային սահմանադրության ընդունումը: Երկրի Մայր օրենքն ընդունվեց 1995 թվականի հուլիսի 5-ին` համաժողովրդական հանրաքվեի արդյունքում: Սահմանադրության օրվա առթիվ տոնական ընդունելություն է կազմակերպվել Սահամանադարական դատարանում, որին մասնակցել են Երկրի նախագահը, փոխվարչապետը, այլ պաշտոնյաներ:
ՀՀ երրորդ նախագահ Սերժ Սարգսյանի եղբայրը՝ Ալեքսանդր Սարգսյանը երեկ գիշեր ԱԱԾ քննչական վարչության պետ Միքայել Համբարձումյանի ուղեկցությամբ բերման է ենթարկվել: Բաժին է տեղափոխվել նաև Ալեքսանդր Սարգսյանի որդին՝ Հայկ Սարգսյանը, որին ավելի ուշ բաց են թողել: Նա կասկածվում է սպանության փորձ կատարելու մեջ: Իսկ մինչև այդ Ազգային անվտանգության ծառայությունը ժամեր շարունակ գործողություններ է իրականացրել ՀՀ երրորդ նախագահ Սերժ Սարգսյանի եղբոր` Ալեքսանդր Սարգսյանի տանը: Հիշեցնենք, որ հունիսի 25-ին Ալեքսանդր Սարգսյանը բերման էր ենթարկվել Երևանի Սայաթ Նովա փողոցից՝ ապօրինի զենք -զինամթերք պահելու կասկածանքով, սակայն հետո ազատ էր արձակվել:
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv