Մոտ չորս ամիս անց վարչապետն ի վերջո ստորագրել է ԲՈԿ-ի նախագահի ազատման դիմումը: Սմբատ Գոգյանը ԿԳՄՍ նախարար Արայիկ Հարությունյանին հորդորել է արձակուրդ գնալ, հանգստանալ ու մի լավ մտածել: Վարչապետի հրամանագրով՝ աշխատանքից ազատվել է նաև ՍԱՏՄ ղեկավար Գեորգի Ավետիսյանը, մեկ այլ հրամանագրով էլ արտակարգ իրավիճակների փոխնախարար է նշանակվել ՔՊ-ական նախկին պատգամավոր Արմեն Փամբուխչյանը: Պատգամավոր Գայանե Աբրահամյանի մասին մամուլում շրջանառվող լուրերը հաստատվեցին: Նա հեռանում է խորհրդարանից: Պատգամավորի համար իր սկզբունքներն ավելի կարևոր են, քան մանդատը: