ՍԴ-ն շարունակում է ԱԺ արտահերթ ընտրության արդյունքներն անվավեր ճանաչելու վերաբերյալ քաղաքական 4 ուժերի ներկայացրած դիմումների միավորված գործի քննությունը: Դատարանն այսօր 2 անգամ մերժել է նախագահ Արմեն Սարգսյանին որպես վկա հրավիրելու Հրայր Թովմասյանի միջնորդությունը,ինչը բուռն քննարկումների տեղիք է տվել: Բարձր ատյանը լսել է նաև «Հայաստան» դաշինքի հիմնավորումները:«Դատարանին խնդրում ենք կա՛մ նշանակել ընտրության 2-րդ փուլ,կա՛մ ապահովել մանդատների բաշխման նոր կարգ»,-հայտարարել է Արամ Վարդևանյանը:
Բարձր տեխնոլոգիական արդյունաբերության նախարարությունը շրջանառության մեջ է դրել մի նախագիծ, որով փորձում են գաղտնի պահել կառավարության պաշտոնյաների գործուղումները,դրանց մանրամասները, ինչպես նաև մեկ անձից կատարվող գնումները: Քաղաքացիական հասարակությունը հակադարձում է՝ նախագծով Հայաստանը հետ քայլ է անելու տեղեկատվական ազատության ոլորտում:
Մայր ԲՈՒՀ-ի ուղիղ կառավարման նպատակով կառավարության ստեղծած երեք անդամից կազմված խորհուրդը մտադիր է առաջիկայում ռեկտորի պաշտոնակատար նշանակել: Որպես հավանական թեկնածու՝ մամուլում լայնորեն քննարկվում է «Իմ քայլը» խմբակցության պատգամավոր Հովհաննես Հովհաննիսյանի անունը: Համալսարանում ոչ բոլորն են համամիտ այս հնարավոր նշանակման հետ, քանի որ կան իրավական խնդիրներ:
ԿԳՄՍ նախարարի հրամանով 2021-22 ուսումնական տարվանից փորձարարական կարգով Հանրապետության մի շարք քոլեջներում կներդրվեն նոր մասնագիտություններ: Աշխատաշուկայի պահանջարկին առաջարկով համապատասխանելու համար աշակերտները մինչև ԲՈՒՀ ընդունվելը կուսումնասիրեն ռոբոտաշինության և գյուղատնտեսության ոլորտի մասնագիտություններ: Մանրամասները՝ տեսանյութում:
44-օրյա պատերազմին ակտիվ մասնակցություն են ունեցել նաև հայ կանայք: Հատուկ նշանակության ստորաբաժանման ծառայող Աշխեն Սիմոնյանը տղաների կողքին օրեր շարունակ կռիվ է տվել թշնամու դեմ՝ մոր խնամքին թողնելով 6-ամսական դստերը՝Աստղիկին: Այսօր Աշխենը տանն է, ժամանակի մեծ մասը նվիրում է երեխային, զբաղվում է սպորտով, բայց ծառայության վերադառնալու ծրագրերը մտքից չի հանում:
VIDEO HERMINE ASHXEN NOOOOOOOOOOOOR
Մեր հասցեն.
ՀՀ, 0036, Երևան Ալիխանյան եղբայրների փող., 2 շենք (Աջափնյակ վարչ. շրջան)
Լրահավաք հեռախոս.
+374 10 39 10 39
Էլ.փոստ.
info@kentron.tv