Անկախության 29-րդ տարեդարձը հիշարժան է եղել մի շարք զինվորականների, իրավապահների, բժիշկների, ազատամարտիկների, գիտության, մշակույթի և սպորտի ոլորտի երախտավորների համար: Նախագահի նստավայրում նրանց շնորհվել են բարձրագույն պարգևներ և զինվորական կոչումներ: «Հայաստանն ունի նվիրյալներ, որոնք պահպանում են մշակույթի և գիտության, առողջապահության և կրթության սահմանները»,- ասել է Արմեն Սարգսյանը՝ հայրենիքի հզորացման կարևորագույն հիմնասյունը համարելով քրտնաջան աշխատանքը:

Անկախ Հայաստանը 29-րդ տարեդարձի առթիվ շնորհավորանքներ է ստացել Հայաստանի և Արցախի ղեկավարներից, պետական ու հոգևոր այրերից, քաղաքական գործիչներից: Անկախությունը հարատևում է միայն ազատատենչ ժողովրդի ազգանվեր պայքարի ու հաղթանակների շնորհիվ թե՛ պատերազմական, և թե՛ խաղաղ պայմաններում: Ի՞նչ բարեմաղթանքներ են հղել Նիկոլ Փաշինյանը, Արայիկ Հարությունյանը, Գարեգին 2-րդը, Գագիկ Ծառուկյանն ու մյուսները՝ ներկայացվող տեսանյութում:

Անկախության 29 ամյակի առթիվ հանրապետությունում վաղ առավոտից մեկնարկել են տոնական տարբեր միջոցառումներ, փողոցներում ծածանվել են եռագույն դրոշները: Ինչպե՞ս են սեպտեմբերի 21-ը նշում քաղաքացիները, և ի՞նչ խորհուրդ են մեզ փոխանցում անկախություն կերտողները:

Երկրի ղեկավարությունը շարունակում է շնորհավորական ուղերձներ ստանալ տարբեր երկրների ղեկավարներից ու բարձրաստիճան պաշտոնյաներից: Հայաստանի Անկախության տարեդարձի առթիվ վարչապետ Փաշինյանը շնորհավորական ուղերձներ է ստացել Վլադիմիր Պուտինից, Դոնալդ Թրամփից, Ալեքսանդր Լուկաշենկոյից, Լի Քեցիանից և այլ երկրների գործընկերներից: Տոնի առթիվ շնորհավորանքներ է ստանում նաև նախագահ Արմեն Սարգսյանը:

Նիկոլ Փաշինյանը ներկայացրել է Հայաստանի վերափոխման մինչև 2050 թվականի ռազմավարությունը: Արդյոք սա նշանակու՞մ է, որ գործող իշխանությունը ցանկություն ունի ղեկավարել երկիրը առաջիկա 30 տարիներին: Նիկոլ Փաշինյանն ասում է՝ ոչ: Նրա խոսքով՝ մինչև 2050 թվականը Հայաստանի բնակչության թիվը պետք է հասցնել 5 միլիոնի, կրկնապատկել ՀՆԱ-ն, յոթ անգամ ավելացնել միջին աշխատավարձը, մեկ շնչի հաշվով ունենալ աշխարհի ամենամարտունակ բանակներից մեկը և 10-ը արդյունավետ հետախուզական ծառայություններից մեկը:

Եռաբլուրում բարձրաստիճան պաշտոնյաներն անդրադարձել են ներքաղաքական ու արտաքին քաղաքական հարցերի: ԱԳ նախարար Զոհրաբ Մնացականյանն ու պաշտպանության նախարար Դավիթ Տոնոյանը խոսել են Արցախյան կոնֆլիկտի շուրջ ստեղծված իրավիճակի մասին: ԱԱԾ տնօրեն Արգիշտի Քյարամյանն էլ անդրադարձել է «Դոսյե» կենտրոնի աղմկահարույց հրապարակմանը:

Անկախության 29-ամյակի առթիվ վարչապետ Նիկոլ Փաշինյանը, նախագաhի, ամենայն Հայոց Կաթողիկոսի և հանրապետության բարձրագույն ղեկավարության ուղեկցությամբ այցելել է «Եռաբլուր» զինվորական պանթեոն՝ հարգանքի տուրք մատուցել իրենց կյանքը հայրենիքի անկախության համար զոհաբերած հայորդիների հիշատակին: Վարչապետը ծաղիկներ է դրել սպարապետ Վազգեն Սարգսյանի, Անդրանիկ Օզանյանի շիրիմներին և ծաղկեպսակ՝ զոհված ազատամարտիկների հիշատակը հավերժացնող հուշահամալիրին:

Հայաստանի ազգային օլիմպիական կոմիտեի նախագահ Գագիկ Ծառուկյանի նախաձեռնությամբ Աբովյան քաղաքում կայացել է հեծանվասպորտի երախտավոր, վաստակավոր մարզիչ Ալբերտ Սոլոյանի անվան հեծանվասպորտի հուշամրցաշարը: Ստուգատեսին մասնակցել են Երևանի, Աբովյանի, Վանաձորի և Գյումրիի հեծանվորդները: Հաղթողներն ու մրցանակակիրները գավաթներից ու մեդալներից բացի ՀԱՕԿ նախագահի կողմից ստացել են նաև դրամական պարգևներ:

Թբիլիսիի հեռուստաաշտարակն, օրինակ, լուսավորվել է Հայաստանի դրոշի գույներով: «Գուգլ» որոնողական համակարգն իր դուդլով շնորհավորել է անկախության տարեդարձը՝ իր գլխավոր էջում տեղադրելով Հայոց եռագույնը: Իսկ ահա Ռիո դե Ժանեյրոյում գտնվող Հիսուսի հանրահայտ արձանը կրկին ներկվել է հայոց եռագույնով՝ ի պատիվ Հայաստանի գլխավոր տոնի: