Կորոնավիրուսից 33-ամյա երիտասարդ է մահացել.կարանտինային խստացված ռեժիմի կանցնե՞նք
Մեկուսացման մեջ գտնվող Նիկոլ Փաշինյանը երեկոյան հերթական ճեպազրույցն է անցկացրել: Վարչապետն անդրադարձել է հարցին, թե ինչու՞ է Հայաստանում հակահամաճարակային իրավիճակը շարունակում վատանալ:Պատասխանն, ըստ նրա, մեկն է՝ կանոնների համատարած և զանգվածային չպահպանում: Երկու օր առաջ Նիկոլ Փաշինյանը հայտարարել էր՝ թվերի նման վիճակագրության պահպանման դեպքում ստիպված կլինենք կրկին անցնել համատարած արգելափակումների՝ զուգորդելով դրանք պարետային ժամով: Նա նշել էր, որ ունենք 2-3 օր՝ որոշում կայացնելու համար: «Էպիկենտրոն»-ը վարչապետից հետաքրքրվել է՝ եթե վաղը նոր դեպքերի նվազում չարձանագրվի,արդյոք ականտես կլինե՞նք նրա մատնանշած սցենարին:
«Դուք անգրագիտություններ եք տարածում». թեժ քննարկում գազի սակագնի շուրջ
Հանրային ծառայությունները կարգավորող հանձնաժողովում շահագրգիռ կողմերի մասնակցությամբ քննարկվել է գազի սակագները վերանայելու հայտը: Ապրիլի 1-ին հանձնաժողով ներկայացված հայտն ավելի վաղ ուսումնասիրվել էր հանձնաժողովի աշխատակազմի կողմից: Արդյունքում հանձնաժողովն առաջարկել էր անփոփոխ թողնել բնակչությանը, այդ թվում՝ սոցիալապես անապահով ընտանիքներին վաճառվող գազի գործող սակագինը: «Գազպրոմ Արմենիա»-ն առաջարկել էր վաճառվող բնական գազի հազար խորանարդ մետրի գործող սակագինը թե՛ բնակչության համար, և՛ թե՛ սոցիալապես անապահով ընտանիքների համար դարձնել 135 հազար 909.6 դրամ:
Գյումրիում վերջին 3 օրերին կասեցվել է մոտ 80 տնտեսվարողի գործունեություն
Տեսչական մարմինները շարունակում են խստացված վերահսկողությունը նաև Գյումրիում: Այսօր ստուգայցեր են եղել կենտրոնական շուկայի Լաչինի միջանցք կոչվող հատվածում, հարակից փակ ու բացօթյա վաճառակետերում: Համայնքապետի տեղակալը, ծանոթանալով իրավիճակին, այն մտահոգիչ է համարել: Վերջին երեք օրերին Գյումրիում կասեցվել է մոտ 80 տնտեսվարողի գործունեություն:
Սաղմոսավանքում այսօր հարսանիք չի՞ եղել.քահանան արձագանքել է վարչապետի ֆլեշմոբին
Այս օրերին շատ արդիական է դարձել «Զգուշացե՛ք, կարող է պատահի՝ ձեզ հետևում են» թևավոր խոսքը: Հետևողները մնում են անանուն, իսկ հակահամաճարակային կանոնները խախտողները հայտնվում են երկրի ղեկավարի ֆեյսբուքյան էջում: Նիկոլ Փաշինյանը շարունակում է պարետի որոշումներին չհետևողների նկատմամբ հանրային վերահսկողության ֆլեշմոբը: Այս անգամ գերակշռում են դպրոցական հավաքներն ու ծանրաբեռնված երթուղայինները:
Ի՞նչ խախտումների համար է արգելվել մի քանի մանկապարտեզների գործունեությունը
Սննդամթերքի անվտանգության տեսչական մարմինը շարունակում է խախտումներ թույլ տված հանրային սննդի օբյեկտների գործունեության կասեցումները: Այսօր Կոմիտասի պողոտայում 24 ժամով կասեցվել է չորս օբյեկտի գործունեությունը: Մեկ դեպքում չէին գրանցել աշխատակիցների ջերմաչափման տվյալները, մյուս դեպքում էլ ստուգման պահին ջերմաչափը չի աշխատել: Կրթության տեսչական մարմինն էլ խախտումներ է հայտնաբերել ու արգելել մի քանի մանկապարտեզների գործունեությունը:
«Բժիշկներն ահազանգում են՝ վարակված են, բայց չեն թեստավորվում». Ն.Զոհրաբյան
ԱԺ-ը շարունակել է նախօրեին մեկնարկած արտահերթ նիստը, որի օրակարգում մեկուսացված անձանց սոցիալական նպաստի հատկացման վերաբերյալ նախագիծն էր: Կառավարությունն անսպասելիորեն դեմ դիրքորոշում էր հայտնել օրինագծի վերաբերյալ, արդյունքում՝ «Իմ քայլը» խմբակցության ղեկավարը հայտարարել էր, որ 24 ժամվա ընթացքում նախագիծը փոփոխությունների կենթարկվի: Այդուհանդերձ, իշխող մեծամասնությունը երկրորդ ընթերցմամբ դեմ է քվեարկել նախագծին՝ այն հավելյալ քննարկելու հիմնավորմամբ: Փոխարենը իշխանության ներկայացրած սոցիալական աջակցության վերաբերյալ օրինագծին կողմ են քվեարկել ընդդիմադիրները: Նրանք կոշտ քննադատության են արժանացրել իշխանականների դիրքորոշումը, կրկին անդրադարձել կորոնավիրուսի դեմ պայքարում իշխանության ձախողումներին:
Այսօրվանից հանրային բաց տարածքներում դիմակ կրելը պարտադիր է
Պարետի որոշմամբ այսօրվանից հանրային բաց տարածքներում դիմակ կրելը պարտադիր է: Բացառություն է սահմանված միայն մինչև 6 տարեկան երեխաների, մարմնամարզությամբ զբաղվող ու հեծանիվ վարող քաղաքացիների համար: Մեր նկարահանող խումբն այսօր շրջել է մայրաքաղաքով՝ ուսումնասիրել, թե նոր որոշումից հետո որքանո՞վ են պահպանվում հակահամաճարակային կանոնները: Նկարահանումների ընթացքում «Էպիկենտրոն»-ի տեսախցիկն արձանագրել է նաև «Հայփոստ»-ի բաժանմունքի դիմաց գծանշման աշխատանքների ընթացքը:
«Ամենօրյա հոսպիտալիզացիաների վիճակը լարված է».ի՞նչ վտանգի մասին է բարձրաձայնել Թորոսյանը
Կառավարությունն անցկացրել է հերթական նիստը, որը հեռավար անցկացրել է Նիկոլ Փաշինյանը: Մինչև օրակարգին անցնելը Արսեն Թորոսյանը ներկայացրել է համաճարակային վիճակագրությունը: Ծանր վիճակում է 391 պացիենտ, ծայրահեղ ծանր՝ 59-ը, թոքերի օդափոխության սարքերին միացված է 15 հոգի: Նախարարի խոսքով՝ լարված է մնում ամենօրյա հոսպիտալիզացիաների վիճակը, արձանագրված դեպքերի 15-20 տոկոսը կարիք ունի հոսպիտալացման: ԿԲ նախագահն էլ զեկուցել է, որ շտկվել են բանկերում կուտակումները: Նիկոլ Փաշինյանը Հակոբ Արշակյանից հետաքրքրվել է՝ ի՞նչ միջոցներ են ձեռնարկել, որպեսզի «Հայփոստ»-ում առկա խնդրհարույց վիճակը 100 տոկոսով համապատասխանի հակահամաճարակային պայմաններին: